DILI (Timor Post.com)—Opozisaun iha Parlamentu Nasionál (PN), Partidu Klibur Haburas Unidade Nasionál Timor Oan (KHUNTO), apresia polítika Nuno-Governu halo redusaun ba despeza husi Biliaun 2.1 dollar amerikanu ba biliaun 1.2 USD.
“Ami apresia tanba, husi despeza ne’ebé hasa’e ho volume Orsamentu ne’e altu, maibé Nuno-Governu hatun mai ho volume ne’ebé nato’on, nune’e ita espera katak iha loron 120, sira bele mekaniza hodi administra setór institusionalizada ho efetiva.” Dehan deputadu KHUNTO, Luis Roberto, iha Parlamentu Nasionál, Kinta (24/08).
Tuir deputadu KHUNTO ne’e hatete, polítika IX-Governu ne’ebé mai aprezenta proposta Orsamentu Retifikativu (OR), ho planu ne’ebé adekuadu tebes.
Tanba ne’e bankada KHUNTO, fó apresiasaun ba Nuno-Governu Konstitusionál.
Polítika ne’ebé mak halo redusaun ba tetu orsamentál original 2023 nian 9% mais ou menus, husi montante orsamentu 2.1 billion ba 1.9 billion dollars.
Bankada KHUNTO apresia no louva, tanba husi redusaun tetu orsamentál ne’e sei redús mós montante transferénsia ka levantamentu husi fundu Petrolíferu, ida ne’e inísiu ida ne’ebé di’ak.
“Ita bele halo redusaun ba despeza ne’e importante duni, maibé tenke tuir lójika ida, oinsá despeza públika sai efisiente liu no efikás liután, ba produsaun no rezultadu ne’ebé a favór ba povu”. Hakotu.
1,860 total views, 6 views today
Bele hare Video Seluk :
Subscribe to Timorpost
