BAUKAU (timorpost.com) – Prezidente Autoridade Munisípiu (PAM) Baukau, Veneranda Lemos, konsidera funsionáriu kontratadu ne’ebé PAM Baukau anterior rekruta ne’e PAM foun laiha responsabilidade.
“Ha’u laiha responsabilidade ba ida ne’e, tanba depois simu pose iha loron 18 fulan kotuk to’o agora seidauk halo rekrutamentu ba ema ruma,” Veneranda hateten ba Timor Post Segunda feira (05/02), hodi hatán ba PAM sesante ninia preokupasaun.
“Ha’u mai reprezenta governu sentrál, no simu tomada de pose iha 18 Janeiru, no ha’u foin servisu semana rua. Ha’u seidauk kontratu ho ema ida, muito menus atu hapara, kontratu ha’u la asina oinsá mak ha’u hapara kontratu, nia laran hateten saida mós ha’u la hatene,” nia dehan.
Eis deputada ne’e dehan, funsionariu kontratu sira anterior ne’e servisu iha diresaun ne’ebé, pozisaun hanesan saida, servisu iha ne’ebé mós, ne’e PAM foun lahatene ida.
Maski nune’e, feto potensiál dahuluk sai PAM Baukau ne’e hatete, iha loron hirak liu ba iha joven lubuk ida ne’ebé ba hasoru nia, dehan hetan kontratu maibé kontratu remata ona.
Nune’e PAM foun konsege enkontru ho joven sira ne’e maibé durante enkontru ho joven sira ne’e grava ninia lian hodi hakerek iha media sosial no trata nia, tanba ne’e konsidera étika laiha, maski durante enkontru esplika ona ba sira fó lai tempu ba autoridade halo mapeamentu hafoin taka sai vaga ne’e hotu-hotu bele apply.
“Balun mai hasoru ha’u, depois sira grava tiha ha’u nia lian. Depois sira tau iha facebook hodi hakerek no trata ha’u, laiha problema. Bele halo de’it ba, mais ha’u hakarak selebra kontratu, ha’u bele selebra ho ema ne’ebé étika laiha, ne’e hanesan Timoroan, ha’u dehan ha’u la simu saida mak sira halo,” nia hatutan.
Atuál PAM Baukau ne’e rekoñese katak , foin daudauk nia rasik halo ona asina kontratu servisu ho funsionáriu kontratadu na’in-neen atu ajuda Administradór postu administrativu sira iha postu administrativu.
10,860 total views, 3 views today
Bele hare Video Seluk :
Subscribe to Timorpost
