MSSI Aprezenta Relatóriu Dahuluk ENPS no Lansa Dadus Ema Kbiit Laek

DILI (timorpost.com) – Estratéjia Nasionál Protesaun Sosiál (ENPS), ne’ebé governu daualuk lansa iha tinan 2021, kompleta ona tinan ida implementasaun, no agora Ministériu Solidariedade Sosiál no Inkluzaun (MSSI), hanesan implementadór, aprezenta relatóriu dahuluk implementasaun ENPS.

Aprezentasaun relatóriu implementasaun ne’e dirije husi Vise Ministra MSSI, Signi Verdial, au-mezmu tempu halo Lansamentu dadus ema kbiit laek, iha salaun enkontru MSSI Kaikoli, Sesta (02/06/2023).

SCROLL FILA BA NOTISIA

Vise Ministra ne’e iha abertura hatete, depois de lansamentu ENPS iha Novembru 2021, MSSI hahú kedas prepara planu implementasaun no atividade sira kada tinan.

Nune’e, ENPS kompleta ona tinan ida implementasaun, mak MSSI ofisialmente aprezenta relatóriu implementasaun, au-mezmu tempu halo lansamentu rekollamentu no prosesamentu dadus (reprodús) ba Ema ho problema bem-star sosiál 2021 iha Timor-Leste.

“Ita aprezenta relatóriu primeiru ENPS, ita mós halo lansamentu ba dadus kbiit laek, ne’ebé tuir dadus ne’e 33943 mill ema kbiit laek mak eziste ho tipu problema sosiál iha 17-20”, nia haktuir.

Lee Mós :

Governo aprova mecanismo de pagamento de subsídio a timorenses no estrangeiro

Governante ne’e hatutan, dadus ema kbiit laek presiza atualiza kada tinan, tanba dala ruma bele iha tan dadus ema kbiit laek ho problema sosiál la-hanesan. Nu’udar implementadór Vise-Ministra hatete, bainhira trasa polítika tenke implementa no tenke hatudu ninia rezultadu.

Vise Ministra ne’e esplika, estratéjia ninia foka prinsipál ne’e atu oinsá fó apoiu no protesaun ba ema sira hodi labele monu ba risku vulnerabilidade, maibé importante liuliu mak dadus hotu ne’ebé MSSI rekolla, kruza ho ENPS rasik.

Entretantu, ko’alia kona-ba vulnerabilidade, Vise informa katak, ema maioria ho problema sosiál ne’ebé monu ba iha risku vulnerabilidade boot ne’e mak: idozu sira, ema ho defisiénsia, feto ho labarik no mós grupu abandonadu sira.

Lee Mós :

MSSI Lansa Sentru Akonsellamentu Psikososial “Veronica Belo”

“Dadus ema vulneravel ne’e kruza tebe-tebes ho programa no atividade sira ne’ebé ita define ona iha ENPS. Tanba tuir dadus ne’e hatudu katak, ita-nia ema sira iha situasaun vulneravel, entaun ita tenke dezeña duni programa sira hodi bele responde situasaun maluk sira vulnerabilidade”, nia hateten.

Nune’e mós, ko’alia kona-ba apoiu MSSI nian ba ema vulneravel hirak ne’e, Vise-Ministra informa katak, apoiu oioin ne’ebé MSSI fó liuhosi subsídiu ba idozus, subsídiu ba inan isin-rua ho labarik liuhosi programa Bolsa da Mãe-Jerasaun Foun (BdM-JF), tanba inan ho labarik sira mak tama iha kategoria vulneravel liu, subsídiu ba vítima bazeia ba jéneru, no mós apoiu umanitária ba maluk sira ne’ebé hasoru dezastre naturais.

Iha serimónia aprezentasaun relatóriu no lansamentu dadus ema kbiit laek ne’e, Vise-Ministra aprova relatóriu no dadus ema kbiit laek simbolikamente, hafoin entrega ba Diretores Sentru Solidariedade Sosiál no Inkluzaun Munisípiu Bobonaro, Kovalima no Lautem.

Lee Mós :

Pais contribuem para construção de campo de futsal e sala de reuniões da ESG 10 de Dezembro

Lansamentu ne’e akompaña husi Diretór Jerál Solidariedade Sosiál no Inkluzaun, Florencio Pina Dias Gonzaga, Diretór Jerál Administrasaun no Finansas, Rui Manuel Gago Exposto, no Reprezentante husi ILO.

Tuir mai Dashboard nasionál rekolamentu no prosesamentu dadus (reprodús) ba ema ho problema bem-estar sosiál.

Ema ho Defisiénsia iha 6.472, Ema ho moras króniku 2.606, Eis-prizionerius vulneravel 174, Ferik no katuas abandonadu 3.439, Feto risku sósiu ekonómiku 5.657, Família kiak 6.613, Família ho uma laiha kondisaun atu hela 5.087 no Vítima dezastre naturais 194.

2,130 total views, 6 views today

Oinsa Ita nia Reaksaun iha Notisia Nee?