DILI—Tane Konsumidór aprezenta Presu Primeiru no Trimester hahú fulan Janeiru to’o Marsu tinan 2023, ne’ebé Konsumidór sira bele poupa ona osan hamutuk 10,75 USD.
Prezidente Tane Konsumidór, António Ramos da Silva, dehan, Tane Konsumidór aprezenta rezultadu peskiza kona-ba folin produtu nesesidade bázika 1º Trimestrál nian no estabelese relasaun ho aumenta taxa importasaun hosi porsentu 2,5 to’o porsentu 5.
“Produtu hamutuk 18, iha estabelesimentu 21 iha Dili, iha Postu Administrativu tolu mak hanesan, Na’in Feto, Vera Cruz no Dom Aleixo, Loja ne’ebé mak fan baratu ho de’it 38,90 USD iha W-Four Colmera no karun liu ho 49,65 USD Family first Hudi Laran. Ajuda konsumidór sira bele poupa ona 10,75 USD”, nia hateten iha Sede Tane Konsumidór, Vila-verde, Sesta (24/03/2023).
Enkuantu Kompara ho 2022, konsumidór poupa 32,5 USD, produtu hamutuk 21 iha loja 21, konsentra iha Postu Administrativu tolu mak hanesan, Vera Cruz, Nain Feto no Dom Aleixo). Loja ne’ebé baratu bele ho osan 47,05 USD hetan iha Grasia Shop Komoro no karun ho osan hamutuk 79,55 USD, iha Loja Seara (B.Central).
Nia haktuir, Foos kg 20 ho folin 12.00 USD no karun liu 14,50 USD iha kabaz Natal 2022. Iha kabaz fulan Marsu 2023 nian baratu liu mak 12,50 USD no karun liu ho folin 14,75 USD.
Ba folin trigu kg ida iha kabaz natal 2022 folin baratu 0,75 USD no karun liu 1,25 USD. Iha Kabaz fulan Marsu 2023, folin baratu 0,90 USD no folin karun liu mantein ho 1,24 USD.
Frango 800 Gr, iha kabaz Natal 2022 folin baratu liu 2,10 USD no karun liu ho 3,30 USD. Kabaz Marsu 2023, folin baratu liu 2,50 USD no folin karu liu 3,50 USD. Iha tendénsia aumenta hosi 0,40 USD ba folin baratu liu no aumenta 0,20 USD.
Nia afirma, peskiza ida ne’e durasaun fulan tolu, loron komparasaun ne’e entre iha Dezembru atu haree loron ne’e aumenta hira. Entaun Peskiza ne’e atu Fornese ba Konsumidór sira ne’ebé iha.
“Analiza Tane Konsumidór tenke analiza loja sira hodi fan hanesan, produtu sira ne’e ba konsumu de’it. Peskiza ne’e regular, uluk ne’e halo kada fulan haat, maibé agora fulan tolu de’it iha Dili laran”, nia hakotu.
1,674 total views, 3 views today
Bele hare Video Seluk :
Subscribe to Timorpost
