ADVERTISEMENT

Pagamentu Subsídiu 200 USD, Ekipa MSSI Dezloka Ba Munisípiu

Mario da Costa - Ekonomia
Jornalista : Estaziadu Jacinto Caet
Editor : Mário da Costa
  • Share
Vise MSSI, Signi Chandrawati Verdial, entrega dokumentu ba ekipa pagamentu subsídiu fim do ano, Sesta (09/12), Imajen TP/Estaziadu Jacinto Caet

DILI (timorpost.com) – Governu liuhusi Ministeriu Solidariedade Sosial no Inkluzaun (MSSI), Sesta (09/12) dezloka ona ekipa pagamentu subsídiu fim do ano, 200 USD ba Munisípiu 13.

“Ita iha ne’e mai fó korajen ba ekipa tékniku sira hotu, no ohin dezloka ba Munisípiu sira hodi halo pagamentu subsídiu 200 USD, ba komunidade sira”, dehan Vise Ministra MSSI, Signi Chandrawati Verdial, iha salaun MSSI.

ADVERTISEMENT
SCROLL FILA BA NOTISIA


Nia dehan, hanesan lider ida sempre korajen ba funsionáriu hotu-hotu hala’o servisu tenke kuidadu aan tanba agora tempu udan ona.

Lee Mós :
Lei La Bandu F-FDTL Simu Subsídiu Fim do Ano 200 USD

Tanba ne’e Vise-MSSI dehan, nafatin sujere ba koordenadór Munisípiu sira tenke kuidadu tablet (pasta) ne’ebe anexu ho dokumentu nune’e fila mai tenke halo relatóriu hodi hato’o ba Governu.

Verdial esplika, ekipa sira atu halo pagamentu mai husi lina ministerial hotu-hotu, tanba ne’e motorista sira tenke kuidadu nune’e fila ho saudável hodi haksolok ho família iha loron Natal.

Governante ne’e esplika, antes ne’e MSSI ho Ministériu Administarasaun Estatál (MAE), nune’e Ministériu rua ne’e iha responsabilidade, bainhira iha terenu ekipa ida de’it, la’ós fahe ba ekipa rua. Tanba servisu ho objetivu ida de’it.

Lee Mós :
José Sustenta Moris ho Lata Mamuk

Nia informa, ekipa tékniku sira agora arranka ona ba Munisípiu iha territóriu Timor-Leste laran tomak, atu fila seidauk hatene loloos, tanba kada Munisípiu iha Suku barak, entaun presiza tempu naruk nune’e ajusta tuir situasaun iha terrenu.

“Kona-ba bainhira atu fila ne’e depende ba pagamentu bainhira iha Suku sira mak ho kustu ne’ebé ita pagamentu mós lalais, ita ajusta tuir kondisaun iha baze”, katak nia.

Iha biban hanesan, Diretór Jerál MSSI, Florencio Pina Dias Gonzaga, informa ekipa pagamentu ba subsídiu 200 USD, sei fila iha loron 22 Dezembru tinan ida ne’e.

Lee Mós :
Kampaña Nasionál Vasina Integradu Munisípiu Rua Seidauk Atinje Alvu

Tanba ne’e nia parte husu ba ekipa no motorista sira atu kuidadu nune’e termina pagamentu subsídiu 200 USD, iha Dezembru nia laran.

Diretór Jerál ne’e informa, kona-ba transporte husi Governu liuhosi Patrimóniu Estadu, apoiu karreta 128, atividade pagamentu subsídiu iha Munisípiu sira.

 1,540 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Pagamentu Subsídiu 200 USD, Ekipa MSSI Dezloka …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No