DILI, (Timorpost.com)—Governu Timor-Leste liu hosi Vise Primeiru Ministru no Ministru Koordenadór Asuntu Sosiál Mariano Assanami Sabino Lopes, no reprezentante UNICEF nian iha Timor-Leste, Bilal Aurang Zeb Durrani, asina akordu parseria ba diseminasaun direitus labarik.
Mariano Assanami Sabino Lopes, manifesta ninia satisfasaun “katak Bilal Zen Durrani nia apoiu liu hosi UNICEF boot tebes iha Timor-Leste.
“Diseminasaun direitus labarik ne’e importante tebes hodi proteje no dezenvolve labarik ki’ikoan nia kakutak, la’ós de’it bainhira nia sai labarik, maibé ita hahú fó atensaun bainhira kosok oan ne’e iha ona inan nia kanotak, komesa proteje too mil dias ne’e importante tebes,” dehan Governante ne’e. dehan Mariano Assanami Sabino Lopes, ba jornalista sira hafoin remata asina akordu iha Palacio Governu, Segunda (10/06).
Governante informa, liga ba asuntu labarik nian, hakarak konvida inan aman bá sosiedade hotu tau forsa hamutuk hodi kontinua dezenvolve no proteje oan sira. Tanba labarik sira mak sei sai futuru ba nasaun Timor-Leste.
Iha fatin hanesan, reprezenta UNICEF iha Timor-Leste, Bilal Zen Durrani, hatete ohin oportunidade ne’ebe di’ak parte UNICEF asina MoU ho Governu kona ba dezenvolvimentu umanu nian, liuliu atu promove di’ak ba direitu labarik sira nian iha Timor-Leste.
“Akordu ne’e, hanesan meiu ida, oinsá UNICEF promove no dezenvolve di’ak liután ba direitu infánsia ka labarik nian iha rai laran no iha ita rai,”.
Objetivu husi akordu ne’e atu dezenvolve di’ak ba diretu labarik ho idade infánsia sira, atu hetan protesaun, edukasaun no nutrisaun nian, tanba ne’e fiar katak governu rasik bele implementa nafatin programa relevante sira ne’e ho di’ak.
“Ha’u agradese tebes ba prestasaun servisu governu nian, no fiar katak husi kooperasaun servisu ne’e bele kontinua nafatin sai hanesan servisu no kampiaun ida ba dezenvolvimentu sosiál iha Timor-Leste.” Hakotu.
597 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Governu No UNICEF Asina Akordu Parseria Ba Diseminasaun Direitus Labarik](https://timorpost.com/wp-content/uploads/2024/06/parseria.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)