ADVERTISEMENT

ESG 05 Maiu “Butuk” Estudante 74 Iha Sala Ida

Mario da Costa - Edukasaun
Jornalista : Estaziadu Jacinto Caet
Editor : Mario da Costa
  • Share
Diretór ESG 05 de Maiu, Adelino Nicolau Ornai. Imajen TP/Estaziadu Jacinto Caet.

DILI (timorpost.com) – Tanba sala de aula la sufisiente, Eskola Ensinu Sekundáriu Jerál (ESG) 05 de Maiu Bekora, akumula estudante na’in-74 iha sala de aula ida.

“Prosesu Aprendizajen la’o normal hela, maibé sala de aula no fasilidade hanesan meza no kadeira mak la sufisiente tanba estudante kuantidade boot,” dehan Diretór ESG 05 de Maiu Bekora, Adelino Nicolau Ornai, ba Timor Post, iha knar fatin Bekora, Sesta (03/2).

ADVERTISEMENT
SCROLL FILA BA NOTISIA


Nia afirma, total estudante iha ESJ 05 de Maiu hamutuk 1.600 resin, kompostu husi désimu ano 461, désimu Primeiru ano 584 no désimu segundu ano 671.

Lee Mós :
UPM Hala’o Espozisaun ba Ekipamentu no Dokumentasaun

Nia esplika, prosesu aprendizajen fahe ba tornu rua dadeer no lokraik tanba sala de aula iha sanulu-resin-tolu de’it.

“Antes ne’e eskola fahe ba tornu tolu dadeer, meiudia no loraik, maibé tanba programa bolsa méritu, Governu liuhusi Ministériu Edukasaun, Juventude no Desportu (MEJD) bandu atu eskola refere labele iha tornu tolu tenke iha rua de’it”, nia informa.

Lee Mós :
KI-ABCID Distribui Sertifikadu ba Jornalista Na’in-24

Nia haktuir, antes ne’e meza ho kadeira sira ne’ebé aat inan-aman husi estudante sira fó kontribuisaun hodi hadi’a hotu ona maibé la sufisiente nafatin.

Tanba ne’e eskola hato’o ona pedidu ba MEJD hodi reforsa tan meza ho kadeira maibé pedidu refere seidauk iha resposta.

“Ami mós hato’o ona pedidu ba Edukasaun Munisípiu atu reforsa tan meza ho kadeira 100 mai ami, hodi ami-nia estudante sira uza, maibé edukasaun munisípiu ho razaun dehan konstrusaun sala foun ne’e hotu lai mak hafoin haruka meza ho kadeira mai tan,” katak nia.

Lee Mós :
SETV  Prioritiza Hadi’ak Kualidade Eskola Tékniku Vokasionál

Enkuantu, daudaun ne’e, estudante sira uza de’it kadeira masa hodi tuir prosesu aprendizajen.

Ikus nia aprezenta, eskola refere prosesu aprendizajen ba ano letivu 2023 hahú ona iha loron 16 Fulan Janeiru, maibé sala de aula inklui fasilidade sira seluk mós la sufisiente.

 1,983 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “ESG 05 Maiu “Butuk” Estudante 74 Ih…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No