ADVERTISEMENT

Programa Bolsa Méritu Hetan Atensaun Hosi Parlamentu Nasionál

Mario da Costa - Edukasaun
Jornalista : Cardenio Alves
Editor : Mario da Costa
  • Share
Deputadu Bankada KHUNTO, Antonio Verdiál de Souza, imajen Esp.

DILI (timorpost.com) – Parlamentu Nasionál (PN), tau kestaun másimu ba Programa Bolsa Méritu husi Ministériu Edukasaun, Juventude no Desportu (MEJD).

Deputadu Bankada KHUNTO, Antonio Verdiál de Souza, hatete desizaun atu halo bolsa méritu ba estudante iha munisípiu sira, MEJD presiza halo lai verifikasaun.

ADVERTISEMENT
SCROLL FILA BA NOTISIA


“Ami ezije ba Governu liuliu Ministériu Edukasaun, Juventude no Desportu, kona-ba Bolsa de Méritu presiza kansela ou trava, depois halo verifikasaun didi’ak mak avansa fali,” nia hateten iha PN, Tersa (31/01).

Nia dehan, realidade programa ida ne’e kestiona husi komisaun G iha Parlamentu Nasionál, tuir loloos estudante ne’ebé hetan primeiru, segunda, no terseiru klarifikasaun mak bele hetan direitu Bolsa de Méritu.

“Maibé, realidade hatudu deskonfia nakonu ho falsifikasaun dokumentu, nune’e presiza tebes Ministériu relevante halo identifikasaun ne’ebé klaru, atu lori ita-nia alin, oan sira bele esforsu no hatudu sira-nia maturidade ne’e ho kredivel ou reziliente”, nia hateten.

Lee Mós :
Ekipa Futuru Jornalista Halo Vizita ba Parlamentu Nasionál

Iha fatin hanesan, Deputadu husi Bankada Frente Revolusionáriu Timor-Leste Independénsia (FRETILIN), Dario Madeira, hatete, sira deskonfia Bolsa Méritu, hamosu diskriminasaun, tanba estudante balu hetan valor di’ak no hatama dokumentu ba ministru edukasaun ikus naran laiha.

Tuir nia, asuntu ba edukasaun daudaun sai preokupasaun boot iha populasaun nia leet liuliu kona-ba programa Bolsa Méritu.

“Ha’u la hatene Ministériu iha ona kritériu ruma kona-ba Bolsa Méritu ne’e ka lae, ou halo de’it diskriminasaun, tanba to’o agora estudante lubuk ida hetan valor di’ak, haruka tiha ona ba ministériu edukasaun, taka tiha naran depois ikus lista atu loke Bankária hodi hetan osan, ema sira ne’ebé hetan klasifikasaun primeiru, segundu no terseiru kuaze naran laiha seluk maka naran iha fali”, nia lamenta.

Lee Mós :
KM halo Alterasaun Dahuluk ba Lei Baze Edukasaun

Nia hatutan, Bolsa Méritu ne’e Governu atu fó ba estudante sira ne’ebé hetan valor di’ak ou atu fó ba ema kbiit laek, tanba ne’e Bolsa Méritu nia kritériu presiza rezolve didi’ak.

Nia salienta, Se Bolsa Méritu ne’e kona-ba ema kbiit laek nia oan, tenke define didi’ak, tanba estudante balu funsionáriu no cleaner nia oan hetan tiha Bolsa ho valor di’ak depois naran la sai, tanba nia aman servisu ona iha instituisaun Governu.

“Bolsa Méritu ne’e ita atu motiva estudante sira ka oinsá, tanba ne’e maka ha’u sujere ba ministru edukasaun para bele rezolve problema sira ne’e. Tanba ne’e la’ós iha fatin ida de’it, maibé kuaze fatin hotu-hotu iha territóriu laran tomak”, dehan Deputadu Dario.

Iha parte seluk husi Deputadu Bankada Kongresu Nasionál Rekonstrusaun Timorense (CNRT), Patrocínio Fernandes, hatete polítika Bolsa Méritu iha índise manipulasaun nia laran.

Lee Mós :
PR Horta Abertura Eskola Portugés Ruy Cinatti Tinan Letivu 2022-2023

“Ha’u sei hanoin bainhira ita debate orsamentu iha uma fukun ida ne’e, ha’u rasik foti maka preokupa kona-ba Bolsa Méritu tanba iha ona índise manipulasaun iha  laran”, nia lamenta.

Nia hatutan, iha debate orsamentu jerál, nia rasik husu ba ministériu edukasaun atu define didi’ak ba polítika Bolsa Méritu, tanba preokupasaun ne’e la’ós deputadu sira de’it, maibé kuaze estudante sira hotu.

“Tanba ne’e ha’u sujere ba komisaun G trata asuntu edukasaun no sidadania hamutuk ho ministru edukasaun tun ba baze loke investigasaun, tanba tuir informasaun ne’ebé tama falla husu kurríkulu ministériu”, dehan Patrocínio.

 2,144 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Programa Bolsa Méritu Hetan Atensaun Hosi Parla…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No