Dili (timorpost.com)—Prezidente Repúblika (PR), José Ramos Horta husu Nonu Governu konstitusionál liuhosi Ministériu relevante sira tau atensaun ba estrada liga ba fatin Turizmu Pura Taibesi, Postu Administrativu Cristo-Rei, Munisípiu Dili.
PR Horta, hato’o parabéns ba komunidade Hindu iha Timor-Leste, no agradese ba Sestu Governu Konstitusionál ne’ebé restaura fatin turizmu ne’e, liderado husi Rui Maria de Araújo ho Ministru Turizmu Komérsiu Indústria, Manuel Bong, tanba fatin ne’e sai terseiru turizmu relijiozu iha mundu.
![](http://timorpost.com/wp-content/uploads/2023/08/horta....himndu-700x400.jpg)
“Prezidente Repúblika mós iha esperansa katak ho Nunu Governu kontinua apoiu nafatin para fatin ne’e sai di’ak liu tan, no hadi’a estrada Taibesi nian, nune’e dignifika liu tan fatin ida ne’e, tanba fatin ne’e hola parte istória kultura diversidade Timor-Leste”, dehan PR, Jose Ramos Horta bainhira vizita ba fatin Turizmu Pura Taibesi, Kuarta (02/08/2023).
Nia dehan, sensibilizasaun ho relijiaun oioin, boot ka ki’ik, hatudu respeitu ida-idak nia fiar, Hindu ne’e antigu tebes, ne’e influensia iha mundu, iha Asian, India no Myanmar, no mós fatin balun iha Xina, Indonézia ba to’o iha rai iha Áfrika ne’ebá sivilizasaun ida ke riku tebes ho influensia kulturál.
Ho vizita ne’e, Prezidente Repúblika, José Ramos Horta sei hato’o pedidu ba Primeiru Ministru (PM), Kay Rala Xanana Gusmão. atu nune’e hadi’a fatin ne’e inklui sira seluk.
Nune’e mós konstrusaun ba fatin ne’e seidauk finaliza, nonu Governu Konstitusionál presiza hadi’a tanba fatin sira-ne’e importante tebes ba nasaun Timor-Leste.
Iha fatin hanesan, Diretór Ezekutivu Servisu de Apoia sosiedade Sivíl e Auditóriu Sosiál (SASCAS), Edvin D. Soares Noronha, informa, harii Pura Taibesi ne’e inisiativa husi antigu alumnus Timor oan iha Bali-Udayana. Ho total orsamentu dollar amerikanu 1.207 millaun.
“Pura ne’e hetan atensaun makaas husi Governu momentu ne’ebá fó apoiu ba Ikayana, orsamentu poor volta 1.207 dollars ba reabilitasaun. Pura ne’e ita boot sira haree rasik katak nia terseiru iha mundu entaun presiza mellora no hadi’a estrada, tanba iha oin mós iha Igreja ida, no sasán sira ne’e hotu iha ona dezeña de konseitu, espera katak ho sira nia rekomenda ne’e Prezidente Repúblika mós lori ba ko’alia ho Primeiru Ministru,” Hakotu.
1,746 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Turizmu Pura Taibesi Presiza Tau Atensaun](https://timorpost.com/wp-content/uploads/2023/08/hindu.jpg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)