DILI (timorpost.com) – Ministériu Saúde (MS) hetan ona vistu hosi Kámara de Kontas husi Tribunal hodi fo autorizasaun ba kompania atu sosa ai-moruk.
Antes ne’e, Governu liuhusi Ministériu Saúde halo adjudikasaun direta ba kompañia Sali-Magu husi Munisipiu Ermera, maka sei sosa ai-moruk.
“Prosesu Kámara de Kontas ne’e ita hetan ona, tanba ne’e ita agradese wain ba Tribunal Kontas ne’ebe ita hetan vistu preve ba iha kompra medikamentu urjente nian”, Ministra Saúde, Élia dos Reis Amaral, hateten hafoin partisipa serimónia toma pose ba presidente KFP, Kuarta (22/11).
Tuir ministra, MS notifika ona kompania atu sosa aimoruk iha tempu badak nia laran.
“Durante ne’e ita konta hein hela prosesu ne’e, tanba ne’e iha tempu badak ai-moruk sei to’o Timor-Leste, ne’ebe Ita foin notifika horseik, ne’ebe sei tempu badak sei tama”, Ministra sublina.
Kona-ba krize ai-moruk, ministra informa katak krize aimoruk ne’e husi Governu anterior husik hela, bainhira nia simu hodi sai hanesan Ministra Saude. Laiha rezerva aimoruk entaun sira propoin ba emerjensia ida ne’e.
1,852 total views, 3 views today
Bele hare Video Seluk :
Subscribe to Timorpost
