DILI—Hospital Nasionál Guido Valadares (HNGV), liu hosi Sentru Nasionál Matan durante fulan Fevereiru nia laran rejista pasiente matan katarata lubuk ida.
“Iha fulan-Fevereiru Sentru Nasionál Matan rejistu pasiente katarata hamutuk 302,” dehanXefe Unidade Departamentu Oftalmolojia, Virgílio da Costa Pinto, ba Jornalista iha knaar fatin HNGV, Sábadu (18/03).
Nia hatete, pasiente hirak ne’e maioria idade 40 ba leten, maibé pasiente hosi pasiente sira ne’e iha na’in 78 de’it maka halo operasaun de’it tanba doutór na’in haat, ne’ebé halo operasaun mós la hanesan loron ida bele opera pasiente na’in-10 ba leten.
Entretantu Iha loron 26 Marsu, hala’o atividade konsulta matan ba komunidade sira ne’ebé sofre katarata, iha munisípiu Covalima.
“Agora daudaun ami iha ona planu ida iha loron 26 fulan ida-ne’e ba halo konsulta matan iha munisípiu Covalima”, informa
Nia hatete, razaun HNGV halo atividade konsulta matan iha munisípiu Covalima tanba iha tinan kotuk Sentru Nasionál Matan la konsege halo konsulta iha Munisípiu sira tanba ho situasaun Covid-19.
Iha atividade ne’e pasiente matan sira sei hetan ókulu gratuita husi médiku atu nune’e sira uza nafatin, exetu toba no hariis.
“Pasiente ne’ebé konsulta iha ne’e fó sira tenke uza nafatin, se sira haris ka toba bele hasai, karik loron halo atividade uza nafatin ókulu ida-ne’e”, nia dehan.
Nia husu ba pasiente sira tenke kuidadu no prevene matan katarata liu hosi konsumu ai-fuan no modo ne’ebé nutritivu atu bele proteje matan ho di’ak.
1,535 total views, 6 views today
Bele hare Video Seluk :
Subscribe to Timorpost
