DILI, (timorpost.com)– Tuir karta ne’ebé Mídia Timor Post asesu katak Sekretáriu Jerál Partidu Demokrátiku (PD), Antonio da Conceição, sei reativa fali funsaun hanesan Deputadu Bankada PD iha loron Segunda (04/03) tinan ne’e.
Husi Karta ne’e, Antonio da Conceição, husu ba Presidente Bankada Partidu Demokrátiku, Manuel Noronha, liu husi Deklarasaun Retoma posisaun nu’udar deputadu:
No kopia, Presidente Partidu Demokrátiku, Presidente Parlamentu Nasionál, Lideres Bancadas Parlamentares CNRT, FRETILIN, KHUNTO, PLP no Secretariadu Parlamentu Nasionál.
“Deputadu Prezidente da Bankada, liuhosi biban ida-ne’e ha’u mai informa katak hau decide fila fali ba Parlamento Nacional hodi halad hau nia knär nudar deputado VI Legislatura periodo 2023-2028 iha loron 4 fulan Março 2024. Razaun ha’u fila tanba misaun ne’ebé ha’u simu nu’udar embaixadór hodi simu posse iha loron 12 fulan Dezembru tinan 2023 laiha continuidade. Ha’u hetan ona exonerasaun husi Exia. Presidente da Republica, tanba ne’e laiha incompatibilidade atu ha’u ba exerce fali hau nia mandato nu’udar Deputadu,” sita husi karta ne’e.
Iha biban ida-ne’e agradese mós ba Deputada, Rosena Martins, ne’ebé hatudu nia disponibilidade hodi assume ona funsaun temporária hahú husi dia 12 de Dezembru 2023 mai to loron ida ohin.
Husu atu Prezidente Bankada hato pedidu ba Prezidente Parlamentu Nasionál hodi anuncia hau nia inisiu da funsaun nu’udar Deputadu Bankada Partidu Demokrátiku nian hahú iha loron 4 de Marsu 2024. No karta ne’e asina husi Kalohan rasik.
Tuir informasaun ne’ebé Timor Post hetan husi fonte konfirmadu balun iha Parlamentu Nasionál katak Sekretáriu Jerál partidu PD ne’e sei retoma pozisaun hanesan Deputadu Bankada PD iha loron Segunda-feira, 04 Marsu 2024.(*)
7,065 total views, 3 views today
Bele hare Video Seluk :
Subscribe to Timorpost
