DILI (timorpost.com)— Konseléiru partidu Kmanek Haburas Unidade Nasionál Timor Oan (KHUNTO), José dos Santos ‘Naimori Bukar’, ‘tebe sai’ deputada Olinda Guterres husi xefe bankada partidu KHUNTO tanba kestaun saúde.
“Bele troka ha’u nu’udar xefe bankada maibé tenke konsulta ho ha’u, konsulta ho deputadu sira ne’ebé tuur iha Parlamentu la’os Naimori halo karta diretamente ba Prezidente Parlamentu”, Deputada Bankada KHUNTO, Olinda Guterres, hato’o lamentasaun ne’e ba jornalista sira iha Parlamentu Nasionál, Segunda, (12/02/2024).
Nia lamenta tanba hafoin hala’o tratamentu saúde iha estranjéiru no fila mai hetan kedas substituisaun husi husi xefe bankada partidu KHUNTO nian.
Entretantu, Konselleiru Másimu, Naimori Bukar, nomeia Deputadu, Antonio Verdial, ba xefe bankada foun hodi troka Deputada Olinda Guterres.
Deputada Olinda Guterres, sai hanesan xefe bankada partidu KHUNTO hahú husi Lejizlatura da-IV no kontinua ba da-V mak hetan substitui husi Naimori maibé Olinda nafatin hanesan deputada husi bankada KHUNTO nian iha Parlamentu Nasionál.
Entretantu, Xefe Bankada foun mak Deputadu, António Verdial Sousa, no Primeiru Vise Xefe Bankada, Deputadu António Verdial da Silva Ferreira, no Segundu Vise Xefe Bankada, Deputadu Luis Roberto da Silva.(*)
9,417 total views, 6 views today
Bele hare Video Seluk :
Subscribe to Timorpost
