Aileu (timorpost.com)—Partidu Frente Revolusionáriu Timor-Leste Independente (FRETILIN), Postu Administrativu Remexio, Munisípiu Aileu halo konsolidasaun ba Militante no simpatizante iha postu Remexio, Domingu (05/03/2023).
Konsolidasaun Polítiku Partidu FRETILIN prepara ba eleisaun parlamentár ne’ebé hetan partisipasaun hosi Vise Prezidente Fretilin, José Nakfilak, Joaquim Amaral, Ministru MKAE no Deputada Nina Rangel. partisipante estrutura baze FRETILIN hosi suku ualu iha Postu Remexio.
“Objetivu hosi konsolidasaun ne’e atu hametin unidade, konsolida forsa polítika militante no estrutura hodi sai hanoin ida, hakarak ida atu lori partidu Fretilin manan iha eleisaun parlamentár 2023 hodi hakat ba ukun”. Dehan Fernando de Carvalho Araújo, ba Timor Post Facebook, Domingu (05/03/2023).
Nia hatete, Fretilin partidu ida boot iha Timor-Leste, ne’ebé sira nia esperansa ida manan iha eleisaun parlamentár 2023.
“Ami hanesan partidu boot ida iha Timor-Leste, ami nia esperansa no objetivu mak MANAN iha eleisaun parlamentár tinan ne’e, tanba ne’e konsolidasaun ne’e hodi afirma lia menon ida ba simpatizante no militante ho estrutura tomak atu mantein forsa ida únika hodi lori vitória ba Fretilin”, nia tenik.
1,959 total views, 6 views today
