Dili (timorpost.com) – Prezidente Repúblika (PR), José Ramos Horta, Segunda (13/02), dekreta katak eleisaun parlamentár sei realiza iha loron 21 fulan Maiu 2023.
“Ha’u dekreta fixa ba loron 21 fulan Maiu tinan ne’e hanesan loron ba realizasaun eleisaun deputadu sira iha Parlamentu Nasionál (PN). Ha’u fiar katak hanesan ita-nia povu sei mobilizadu. Nune’e mós polítiku, lider nasionál sira bele simu desizaun ne’ebé profundamente ona”, PR deklara iha Palásiu Prezidensiál, Bairru-Pité.
Anúnsiu ne’e fó sai bazeia ba komunikasaun ne’ebé realiza iha palásiu prezidensiál bainhira rona tiha opiniaun husi lider partidu sira, sosiedade sivíl no Governu.
“Markasaun ba data eleisaun lejizlativa ne’e fixu tuir kalendáriu eleitorál ne’ebé hanesan ita ida-idak nia responsabilidade boot. Ida ne’e hanesan mós extrema urjénsia ida ba adosaun polítika no investimentu urjente ba rekuperasaun ekonomia no dezenvolvimentu nasaun nian”, nia esplika.
Nia hatutan, “Ita-nia povu mobilizadu ba iha eleisaun parlamentár tuir mai iha primeiru semestre tinan 2023. Imi-nia esperansa labele sai arrepende. Nasaun labele hein”.
2,236 total views, 12 views today
