ADVERTISEMENT

PR Horta Fó Pose ba Membru Foun Konsellu Estadu no Defeza-Seguransa

Jornalista : Mariana Rodrigues Soares
Editor : Hermenegildo da Costa Tilman
  • Share
PR Horta Fó Pose ba Membru Foun Konsellu Estadu no Konsellu Superior Defeza no Seguransa

Dili (timorpost.com)—Prezidente Repúblika no José Ramos Horta, fó pose ba membru foun konsellu estadu no konsellu superior defeza-Seguransa nian (KSDS), iha Palasiu Prezidensiál Ai-tarak-laran, Segunda (11/09/2023).

PR Horta haktuir, Konsellu Estadu hanesan órgaun konsultivu Prezidente Repúblika nian ba asuntu polítiku, bazeia ba Konstituisaun RDTL artigu 90 no 91. No Konsellu Superiór Defeza no Seguransa hanesan órgaun konsultivu Prezidente Repúblika nian ba asuntu defeza, seguransa no soberania, bazeia ba Konstituisaun RDTL artigu 148.

ADVERTISEMENT
SCROLL FILA BA NOTISIA


Membru foun Konsellu Estadu nian hamutuk sanulu-resin-haat mak hanesan Prezidente Parlamentu Nasionál, Maria Fernanda Lay; Primeiru-Ministru, Kay Rala Xanana Gusmão; Ex-Prezidente Repúblika, Major-Jenerál Taur Matan Ruak; Ex-Prezidente Repúblika, Dr. Francisco Guterres Lú Olo.

Lee Mós :
Aban, Grupu Povu Ki’ik Sei Halo Demontrasaun

Membru na’in lima nomeadu husi Prezidente Repúblika mak Abílio da Conceição de Araújo, Maria Domingas Fernandes Alves <Mikato>, eis Tenente-Jenerál Tito da Costa Cristóvão <Lere Anan Timur>, Madre Guilhermina Marçal no Milena Pires.

Membru na’in lima seluk nomeadu husi Parlamentu Nasionál mak Virgílio Smith <Cranek>, Jacinto Viegas Vicente <Roke>, Numinando S. Martins <Buras>, Ricardo da Costa Ribeiro no Josefa Alves Pereira Soares.

Membru foun ba Konsellu Superiór Defeza no Seguransa hamutuk sanulu resin tolu mak hanesan Primeiru-Ministru, Kay Rala Xanana Gusmão; Ministru Negósiu Estranjeiru no Kooperasaun,  Bendito dos Santos Freitas; Ministru Defeza, Contra-Almirante Donaciano do Rosário Gomes; Ministru Interiór, Francisco da Costa Guterres; Ministru Justisa, Amândio de Sá Benevides.

Lee Mós :
Malázia Deporta Timoroan Na'in-4 Vítima ba Tráfiku Umanu

Reprezentante Parlamentu Nasionál Deputada Maria Terezinha da Silva Viegas, Deputadu David Mandati Dias Ximenes no Deputadu Duarte Nunes; Chefe Estado Maior Generál das F-FDTL, Tenente-General Falur Rate Laek; Komandante Jerál PNTL, Komisáriu Jerál Henrique da Costa; Diretór Jerál Servisu Nasionál Intelijénsia, Longuinhos Monteiro; Júlio Tomás Pinto no Nuno Manuel Corvelo de Andrade Sarmento (Nomeadu husi Prezidente Repúblika ).

Lee Mós :
Investigadór PNTL Na'in-26 Partisipa Formasaun Tráfiku Umanu

Hafoin fó pose ba membru foun sira, Prezidente Repúblika kontinua kedas ho lidera reuniaun ba dahuluk hamutuk ho membru konsellu rua hodi ko’alia kona ba funsaun membru sira nian bazeia ba lei no rejimentu.

Membru Konsellu Estadu hamutuk na’in sanulu resin haat no Konsellu Superior Defeza no Seguransa hamutuk na’in sanulu resin tolu sei hala’o sira nia mandatu durante tinan lima.

 4,662 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PR Horta Fó Pose ba Membru Foun Konsellu Estadu…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No