ADVERTISEMENT

Inséndiu Iha Bekora, Vítima Sira Obrigadu Hela ho Viziñu

Mario da Costa - Dili
Jornalista : Beatriz Belo
Editor : Mario da Costa
  • Share
Vítima ba Inséndiu Bekora, Fernanda Floreana de Oliveira, Domingu (13/02), imajen TP/Beatriz Belo

DILI (timorpost.com) — Tanba akontese inséndiu iha area Bekora iha loron Kinta (09/02), iha oras tuku 10:20 dadersan, daudaun ne’e vítima uma kain-17 no membru família hamutuk 101, Obrigadu hela ho viziñu.

Tuir Vítima ba inséndiu Bekora, Fernanda Floreana de Oliveira, inséndiu ne’ebé akontese iha area Bekora Bekusse ne’e, maioria sira vítima hela ho viziñu no balun okupa de’it varanda hodi deskansa.

ADVERTISEMENT
SCROLL FILA BA NOTISIA


“Ami vítima uma-kain-17 ne’e, laiha fatin atu hela, tanba ne’e ami hela de’it viziñu sira no balun kalan okupa de’it viziñu sira varanda hodi deskansa,” nia hateten Timor Post iha fatin akontesimentu inséndiu Bekora Bekuse, Domingu (12/02).

Lee Mós :
ESG 05 Maiu "Butuk" Estudante 74 Iha Sala Ida

Nia dehan, sira vítima maioria hela ho viziñu, maibé vítima balun mós ba hela ho sira-nia família sira iha Dili.

“Ami vítima balun mós ba hela ho família sira iha kapital Dili, sira hanesan defisiente, hanesan defisiente, inan isin rua no mós labarik ki’ik ona sira, ami lori ba hela ho família sira hanesan iha Komoro, kampu baru no selu-seluk tan,” nia konta.

Nia dehan, akontese inséndiu ne’e, nia parte mós iha hela uma ne’e, maibé nia la hatene motivu husi saida mak akontese, mais nia rona de’it viziñu sira hakilar, maibé nia parte hanoin katak akontese iha fatin seluk.

Lee Mós :
Xanana Husu Estadu Kria Kondisaun Ba Uma-kain-7 iha Bekora

“Hafoin iha akontese inséndiu ne’e, ha’u tama ba taka de’it kontadór no lori sai de’it ha’u nia oan ida defisiente, maibé kona-ba sasán hanesan dokumentu no osan, ropa no hahán no mós seluk-seluk tan ami la salva ida,” nia haktuir.

Nia dehan, iha akontese ne’e laiha ida mak mate, maibé vítima na’in-4 mak hetan kanek no ahi han sira-nia faru no fuuk, daudaun ne’e iha HNGV no ida mak grava iha hela IC HNGV.

“Vítima ba inséndiu ne’e, to’o agora parte husi Governu seidauk fó apoiu buat ruma, maibé parte husi Pertamina Internasionál, Rotari, parte igreja Bekora no grupu sira, mak fó ona apoiu tuir nesesidade ne’ebé iha, atu fasilita ami hodi hein Governu,” nia afirma.

Lee Mós :
Pose ba Membru Governu Foun, EJMMD Bandu Negosiante Sirkula iha Dalan Públiku

Tanba ne’e, sira hanesan vítima husu ba Governu no estadu no tau matan netik ba sira no fó netik apoiu no ajuda netik uma mahan sira, atu nune’e, sira bele iha fatin, tanba sira hela fó viziñu no família sira.

Aleinde nia dehan, iha inséndiu ne’e uma 17 mak ahi han no família uma kain-17 mak afeta ba inséndiu ne’e.

 1,061 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Inséndiu Iha Bekora, Vítima Sira Obrigadu Hela …” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No