Dili (Timor Post)–Ministériu Negósiu Estranjeiru no Kooperasaun (MNEK), liu husi Diretór Jerál ba Asuntu Bilateral, Domingos Savio, hatete, ohin reuniaun kontinuasaun konsultasaun nivel altu Timor-Leste ho Nova Zelándia, ne’e ba dala III ninian, loloos ne’e halo iha tinan 2018, maibé tanba Covid-19 la konsege reuniaun.
“Reuniaun nivel altu ida ne’e, atu hametin relasaun entre Nova Zelándia ho Timor Leste, iha area bilateral, kooperasaun iha rejionál no multilaterál, ba parte polítika, ekonómika, no dezenvolvimentu” nia dehan ba jornalista sira hafoin remata reuniaun ho New Zelándia iha Salaun Nobre-MNEK, Pantai Kelapa, Tersa (28/06).
Nia re afirma tan, Nova Zelándia hanesan Timor nia belun diak, ne’ebe sempre apoiu Timor-Leste, iha kualkér situasaun, husi kedas 1999, hamutuk ho Forsa INTERFET mai hodi halo seguransa iha Timor.
Iha fatin hanesan Division Manager, Global Development and Scholarship Division, Joanna Kempkers, haktuir, iha reuniaun konsultasaun nivel altu ho Timor Leste, foka liu ba relasaun polítika ekonomia, no dezenvolvimentu ne’ebé mak atu apoiu ba Timor-Leste.
“Relasaun Nova Zelándia ho Timor-Leste hahú kedas antes Independénsia, no iha enkontru ida ne’e ko’alia kona-ba apoiu sira ne’ebé mak iha, liu-liu iha tinan tolu mai ne’e, atu apoiu sira ne’ebé mak atu fó ba TL, liu-liu ba investimentu por volta, 38 millaun dolar Nova Zelándia”, nia haktuir
Husi apoiu sira ne’e, nia dehan, primeiru maka liga ba diversikasaun ekonómiku, husi diversikasaun foku ba Kafé, Peska inklui mós ba produtu sira seluk.
4,288 total views, 3 views today
Bele hare Video Seluk :