ADVERTISEMENT

Taur : “Rai Imi Nia Atitude Aat iha Aeroportu”

Mateus da Cruz - Dili
  • Share
PM Taur foto hamutuk ho traballador sira, Imajen TP/Jaime Pires

(Reprotajen Jaime Pires/Editor Mateus da Cruz)

DILI (Timor Post)-Primeiru Ministru (PM), Taur Matan Ruak husu ba Traballadór sira atu ba servisu iha rai li’ur rai hela tiha  hahalok aat iha Aeroportu molok sa’e Aviaun ba ema nia Rai.

ADVERTISEMENT
SCROLL FILA BA NOTISIA


“Foin daudaun iha Aeroportu kaptura joven ida tanba servisu iha Inglaterra haruka droga mai Timor-Leste, tanba ba servisu iha rai li’ur lakohi buka osan maibé hakarak sobu nia an sobu nia família no sobu nasaun,” nia dehan liuhusi diskursu hafoin halo despedida ba Joven sira atu ba servisu iha Austrália, iha Delta Nova Tersa (07/06).

Lee Mós :
Hafoin Diriji Misa iha Perumnas, Padre Violanto Hakotu Iis

Nia husu ba traballadór sira seluk ba labele tuir dalan ida ne’e maibé tenke ba ho dalan ne’ebé mak moos, hodi ajuda família no nasaun ida ne’e.

Lee Notisia Relevante :Governu Australia Iha Ambisaun Boot Atu Rekruta Tan Timor-oan ba Australia

“Tanba ne’e ha’u hakarak imi sura iha ne’e ba tuir dalan ketak dalan mós no dalan luan, labele halo tuir ita nia maluk timoroan ida foin daudaun halo ne’e, tanba ne’e ita tenke hakribi hahalok sira ne’e,” deklara Nia.

Joven sira ne’ebé maka ba servisu iha ema nia rai tenke kontribui ba nasaun no ba família mak tenke boot liu hodi muda moris no kontribui ba dezenvolvimentu nasaun nian.

Lee Mós :
Fasilidade Menus Difisil Alfándega Kontrolu Sasán Ilegál

“Ho ida ne’e ha’u husu ba imi sira agora atu ba servisu iha Austrália, inklui mós ba Korea no Inglaterra tenke rai hela tiha atitude aat sira iha Aeroportu atu nune’e ba ho isin moos no laran moos,” Nia hakotu.

Taur mós husu batraballador sira ne’ebé sai hosi sistema SEFOPE nian atu labele haluha regra sira ne’ebé maka asina tiha ona iha kontratu servisu nian.

“Husu ba imi sira foin atu ba ne’e labele hanesan ne’e, maibé hanoin imi ba ne’e hanesan Embaixadór Timor-Leste nian mak imi ba servisu iha ne’ebá,” deklara Nia.

Lee Mós :
SEJD-INFORDEPE Asina Akordu Kona-ba Formasaun

Nia esplika, tanba Timor-Leste iha viziñu rua de’it sorin Austrália sorin Independénsia, tanba ida ne’e mak komportamentu ne’e tenke di’ak.

Enkontru Traballadór sira ne’ebé mak ohin halo despedida ho Primeiru Ministru Taur Matan Ruak atu ba servisu iha Austrália ne’e hamutuk (214) Mane na’in-122 no feto-92, tuir ajenda sei aranka ba Austrália hahú aban no balun bainhira rua.

 1,056 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Taur : “Rai Imi Nia Atitude Aat iha Aerop…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No