(Reportajen Jaime Pires/Editor Mateus da Cruz)
Dili (Timor Post)- Ajénsia PC CAMMER Global Visa Agent hamutuk ho INCANTO Grup, sei fasilita Timoroan hamutuk rihun rua (2000) ba servisu iha Qatar.
“Ohin ami nia sorumutu ho Primeiru Ministru ami mós aprezenta foin daudaun ami nia Ajénsia 2WC iha INCANTO Grup nia laran ami assina ona Akordu ho Kompañia ida iha Qatar oinsá fasilita Timoroan sira ba servisu iha Qatar,”dehan Diretór Manager INCANTO Grup, Joanico Jerónimo ba jornalista sira hafoin halo enkontru ho Primeiru Ministru, Taur Matan Ruak, iha Rezidensia Farol, Tersa (01/02) ne’e.
Nia hatete, iha tempu badak sei hahú rekruta ona Timoroan sira atu ba servisu iha ne’ebá, akordu ne’e sira presiza Timoroan hamutuk na’in 2000 mak atu ba servisu iha ne’ebá.
“Iha semana oin ne’e ita hahú ona halo rekrutamentu, ba Timoroan na’in-300 uluk, depois tempu tuir mai mak rekruta tan,” dehan Nia.
Nia esplika, kriteria ba sira ne’ebé mak hakarak ba servisu iha ne’ebá mak tenke hatene lian ingles, ba joven sira ne’ebé mak iha ona sertifikadu lian ingles bele hatama dokomentus iha INCANTO Grup, Lesidere.
“Semana oin joven sira ne’ebé mak iha formasaun lian ingles hanesan SOLS, no sira seluk tan bele hatama ona dokumentu iha Edifisiu INCANTO Grup, iha Bidau Lecidere,” Nia hakotu. (Lee notisia seluk iha jornal Timor Post/asesu youtube Timor Post)
1,788 total views, 3 views today
Bele hare Video Seluk :
Subscribe to Timorpost
