OEKUSI (timorpost.com) – Uma Pas iha Rejiaun Administrativa Espesiál Oé-Cusse Ambeno (RAEOA), konsege rejista kazu Violénsia Seksuál (VS) hasoru labarik minoridade hamutuk 13.
Diretora Uma Pas RAEOA, Lourdes de Almeida, hatete, hahú husi fulan Janeiru to’o Maiu 2023, kazu violénsia doméstika ba labarik minoridade ne’e hamutuk 4, violénsia seksuál ne’e iha 7 no kazu violénsia emosionál 2.
“Iha kazu violénsia doméstika ne’e mosu, tanba dala-ruma labarik melawan, tanba ita nia tradisaun ne’e katak, hanorin labarik sira ho asaun maka’as, mai kedas ho asaun fíziku, atu nune’e labarik bele ta’uk, maibé kuandu labarik sira sente moras sira ba keixa ona iha polisia,” Lourdes hateten iha nia knar fatin Numbei, ne’ebé Timor Post asesu liuhosi pájina RCAL, Sesta (02/06).
Nia haktuir, durante ne’e Uma Pas RAEOA akompaña vítima sira, sempre iha kolaborasaun ho membru referral sira hanesan ALFELA hodi akompaña sira ba iha tribunal.
Tanba ne’e, Diretora Uma Pas RAEOA ne’e nia parte agradese ba iha Governu, tanba aprova ona lei ba protesaun ba labarik sira hodi bele próteze labarik sira husi violénsia oi-oin.
2,796 total views, 3 views today
