ADVERTISEMENT

PM Konkorda ho UNIJMA Hadi’a Justisa Iha Timor-Leste

Mario da Costa - Justisa
Reportajen : Jaime Pires
Editor : Mário da Costa
  • Share
Primeiru Ministru, Taur Matan Ruak, Imajen Esp.

DILI (timorpost.com) – Reprezentante UNIJMA Ativista Pro RDTL, Ivo de Jesus Siqueira, hatete Primeiru Ministru (PM), Taur Matan Ruak, konkorda ho sira atu hadi’a Justisa iha Timor-Leste, ne’ebé sempre foti desizaun defende liu ema osan iha sira.

Nia hatete, ezemplu husi hadau malu rai iha Ai-meti Laran l ne’e sira aprezenta dokumentu no faktu sira ba Primeiru Ministru, nia haree triste tebes ba desizaun Tribunál nian.

ADVERTISEMENT
SCROLL FILA BA NOTISIA
Lee Mós:
Timor-Leste Nia Dezenvolvimentu Konsideradu Hakdasak

“Primeiru Ministru, triste tebes ohin ami aprezenta faktu sira ne’e, tanba ne’e nia konkorda tebes atu hadi’a Justisa ida ne’e,” nia hateten hafoin hasoru Xefe Governu, iha Faról, Tersa (18/10).

Nia dehan, Primeiru Ministru apresia tebes ba sira-nia asaun pasífiku ne’ebé halo kontra erru umanu nian iha Tribunál ne’e.

“Primeiru Ministru, dehan tenke hanesan ne’e hodi hadi’a Justisa ida ne’e, importante mak tenke organiza malu ho di’ak oinsá atu labele hamosu problema, maibé nia konkorda tebes ami-nia asaun no hanoin sira ne’e,” hateten nia.

Lee Mós:
Friends Team Hala’o Tour iha Timor-Leste

Nia aumenta, tanba sira-nia parte ezije tebes ba Primeiru Ministru, atu hasai tiha Juis sira ne’ebé sempre taka malu iha Tribunál ne’e, hodi nune’e bele tau fali ema seluk.

“Ida fali ami hato’o ba maun Primeiru Ministru, Juis sira sempre halo julgamentu iha Tribunál ko’alia Tetun, maibé kuandu desizaun finál sira ho fali lian portugés,” lamenta Ivo.

Lee Mós:
SIKN Investiga Ona Ema Na’in-8 ba Kazu Bero Vidru-22

Entaun ida ne’e hanesan espasu ida bele loos ba fali sala no sala ne’e ba fali loos, entaun husu ba Primeiru Ministru, atu hadi’a sistema sira ne’e atu nune’e desizaun finál mós tenke ho lian Tetun.

 880 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PM Konkorda ho UNIJMA Hadi’a Justisa Iha …” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: