DILI (TimorPost.com) – Noveliana Isabel Li hanesan negosiante ida ne’ebe iha inisiativa rasik hodi loke LOJA MALOA DIAK, hodi hamoris famlia uma laran nia necessidade loro-loron nian.
Nia hatete, liu hosi loke LOJA MALOA DIAK, fa’an sasan mak hanesan eletrisidade no sasan bisikleta nian, kada fulan hetan rendimentu di’ak no mós dala ruma menus.
Sasan bisikleta nia folin hosi $. 0.50, fa’an mos PILOX DITON folin hosi $. 3.00. sasan eletrisidade sira 100%, hosi agensia Distribuitor marka ho PHILIPS, BROCO, SCHNEIDER no marka koinesidu seluk tan.
Nia hatete, sasan sira ne’ebe fa’an ne’e balun kreditu hosi kolega sira nia loja seluk mak mai iha momentu ne’eba lukru mais ou menus $. 100.00 kada fulun.
Iha tinan 2008 to’o agora la iha ona kreditu, tanba iha modal rasik ona.
Iha tinan 2008 to’o agora sasan sira ne’e original 100%, iha ona modal rasik hatama sasan hosi Nasaun Indonesia, Biskleta marka united ho folin hosi $. 1.30.00 to’o $. 200.00, sasan biskleta folin variavel fa’an iha loja ne’e no hala’o kreditu ne’e iha 2003, maibe agora la fa’an ona bisikleta, maibe fa’an deit ona mak sasan bisikleta nian.
Nia hatutan, LOJA MALOA DIAK ne’e mos hahu loke iha tinan 2003 to’o 2023, nia inan no aman mak loke loja ne’e, maibe iha 2023 nia aman mate, hanesan oan feto iha hanoin rasik hakarak kontinua loke loja ne’ebe inan no aman rai hela ne’e.
Komesa iha tinan 2023 nia kontinua loke loja ne’e ho esforsu no inisiativa rasik, atu konvida fali kliente sira sosa sasan iha loja ne’e, liu hosi media facebook, numeru whatsaap no HP hodi buka kliente sira hodi mai sosa sasan iha loja ne’e, Maske moe atu kontinua fa’an sasan sira ne’e, maibe nunka rende atu avansa tanba brani no esforsu an avansa ba ita nia objetivu no mehi ne’ebe ita hakarak.
Husu ba maluk timor oan tomak katak, bainhira atu halo negosiu ida, importante mak badinas, esforsu, boa vontade. Bainhira atu halo atividade saida deit, importante ita nia komunikasaun ho kliente sira ne’e, tenke oin mamar, ibun midar ba kliente sira ne’ebe mak mai sosa ita nia sasan.
Difikuldade ne’ebe hasoru mak hanesan Staff, tanba bainhira sira servisu iha fatin ne’e hatene no diak tebes no hatene sasan sira ne’e folin sira tenke sai, tanba ba aplay vaga ba fali SEFEOPE nian, entaun sente triste tanba buka fali ema foun mai servisu iha loja ne’e mos ita presiza tenke hanorin fali sira.
Loja ne’e, hahu loke oras 07:30AM no taka loja ne’e iha oras 08:30, iha loja ne’e agora iha staff na’in ida deit, uluk iha staff nain rua, sira ba aplay iha SEFEOPE liu tiha vaga ne’e, entaun agora staff nain ida deit ona, kada fulan selu ho estandartu SEFEOPE nian ba Staff ne’e tuir regulamentu ne’ebe mak sira fo.
Antonio Amaral hanesan servisu nain hatete, servisu iha LOJA MALOA DIAK ne’e, sente haksolok tebes tanba la iha chefe ga staff ne’ebe hare ka fo presaun no haka’as hodi servisu.
Nia sente flexibilidade liu no staff no chefe toman malu diak tebes. Kada fulan simu salariu tuir SEFEOPE nian, maibe haksolok tanba bainhira servisu, tenke honestu, badinas no komunikasaun diak ho kliente no mos ita nia Xefe.
“Haksolok tebes hetan chefe ne’ebe laran diak fuan mamar ba ita, maske ho salariu ne’ebe mak estandartu, hodi sustenta necessidade loro-loron nian.” Sita Antonio.
Nia hatutan, husu ba maluk timor oan tomak katak, servisu ki’ik ka bo’ot, tenke badinas, esforsu, keta moe halo atividade saida deit, tanba ita nia hahalok ka karakteriska mak sai save importante ba ita nia servisu ne’ebe ita inklina a’an ba.
270 total views, 18 views today
Bele hare Video Seluk :
Subscribe to Timorpost
