DILI (timorpost.com)— Ministériu Asuntu Kombatente Libertasaun Nasionál (MAKLN), prevé orsamentu millaun $1 resin hodi atribui bolsa estudu ba veteranu no mártir nia oan sira iha teritóriu tomak.
“Ba tinan ida-ne’e ita prevé $ 1.127.750 ba bolsa estudu ba veteranu no mártir nia oan sira hamutuk 1.300 iha teritóriu tomak”, Deklarasaun ne’e hato’o husi, Ministru Asuntu Kombatente Libertasaun Nasionál, Gil da Costa Monteiro “Oan Soru”, iha nia servisu fatin, Kumoro, Tersa-feira, (27/02).
Nia esplika, bolsu eatudu ne’e ba kada tinan, bazeia ba rejime atribuisaun bolsa estudu ba veteranu noa mártir libertasaun nasionál nia oan, nune’e iha tinan letivu ne’e, MAKLN hasai ona despaisu númeru 02/MACLN-IXGC/1/2024 hatúr kedas númeru ba vaga sira ne’ebé hakerek iha númeru 2 husi despaisu ne’e bazeia ba nível ensiñu sira.
Oan Soru hatutan, bolsa estudu ne’e atribui ba estudante husi ensiñu báziku to’o ensiñu superiór, kompostu husi ensiñu báziku 1⁰ siklu hamutuk 65 kada munisípiu ema na’in-5, ensiñu báziku 2⁰ siklu no 3º siklu hamutuk 195 kada munisípiu ema na’in-15, ensiñu sekundáriu hamutuk 325 kada munisípiu na’in-25, ensiñu superiór univerisitáriu Timor-Leste hamutuk 350 kada munisípiu ema na’in-50 no ensiñu superiór iha rai-li’ur na’in-65 kada munisípiu ema na’in-5.
“Ba ensiñu báziku 1⁰ siklu kada bolseiru sei hetan osan ho montante $300, ensiñu báziku 2⁰ siklu no 3º hetan $600, ensiñu sekudária hetan $650, ensiñu superiór Univerisitáriu Timor-Leste hetan $1.000 no ensiñu superiór rai-li’ur hetan $2.000”, nia esplika.
Ministru ne’e mós husu ba veteranu no mártir nia oan sira hotu iha territóriu laran tomak atu koopera ho di’ak, partisipa hodi asesu ba bolsa estudu refere.
“Husu ba kombatente sira atu labele impoen ekipa sira ho ita-boot sira-nia hakarak ida dehan kombatente ida hakarak nia oan na’in-2 ka 3 ba tuir teste tenke liu hotu. Favor ida para ho ida-ne’e, fó oportunidade mós ba sira seluk atu liu. Husu ba veteranu sira uza sentimenetu nu’udar umanu, see ita-boot sira-nia ida asesu ona husik fó mós ba seluk hodi asesu labele ba impoen ekipa para dehan ha’u-nia ne’e tenke liu hotu, ne’e labele”, remata.
3,111 total views, 3 views today
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![MAKLN Prevé Millaun $1 Resin ba Bolsa Estudu Veteranu Nia Oan](https://timorpost.com/wp-content/uploads/2024/02/WhatsApp-Image-2024-02-27-at-15.56.54.jpeg)
Bele hare Video Seluk :
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![play](https://timorpost.com/wp-content/plugins/ytuples/images/playhover.png)
![loading](https://timorpost.com/wp-content/plugins/ytuples/images/gallery-page-loader.gif)