DILI, (timorpost.com)— Diretór ezekutivu Asia Justice and Rights (AJAR), José Luis de Oliveira, hatete problema iha Hospitál Nasionál Guidu Valadares (HNGV) ne’e barak loos, la’os de’it kona-ba menus plástiku tau raan nian, tanba ne’e di’ak liu troka tiha Ministra Saúde, Elia dos Reis Amaral.
“Poblema iha HNGV ne’e barak loos ne’ebé di’ak liu troka tiha Ministra Saúde ne’e. “Ministra Saúde ne’e halo violasaun direitu umanu ona, tanba direitu ba saúde no direitua atu salva ema-nia vida ne’e direitu umanu, kuandu Ministra ida lidera ministériu ne’ebé mak ema loron-loron mate, signifika o halo violasaun direitu umanu, tuir loloos ne’e Parlamentu Nasionál tenke halo asaun polítika ida hodi dimite nia, mais to’o agora parlamnetu mós hanesan de’it,” Diretór ezekutivu AJAR, José Luis de Oliveira, informa ba jornalista sira iha nia servisu fatin Faról, Tersa, (27/02).
Nia kestiona, Ministra Saúde laiha kapasidade tanba halo jestaun sosa aimoruk de’it mós fó fali ba kompañia konstrusaun mak sosa, iha regra kompañia ne’ebé hatama aimoruk ne’e tenke iha lisensa, maibé kompañia Salimagu laiha lisensa mós bele hatama aimoruk tanba jestaun iha Ministériu Saúe mak laloos.
Antes ne’e, Xefe Banco de Sangue iha HNGV, Claudio Julião Quintão, informa daudauk ne’e menus plástiku tau raan nian hodi atende pasiente sira iha HNGV.(*)
3,000 total views, 6 views today
Bele hare Video Seluk :
Subscribe to Timorpost
