DILI, (timorpost.com)— Kompañia Clean Water husi Austrália koopera ho kompañia lokál Afes Unip.Lda, investe iha área bee-moos liuliu uza mákina transforma anin ba bee-moos.
“Kooperasaun entre kompañia Afes ho kompañia Clean Water husi Sidney- Austrália ne’ebé mak mai para atu halo investimentu kona-ba bee-moos, uza mákina bee ne’e mai husi anin, mai husi umildade ne’ebé mak ohin esplika iha laran i nia umildade ne’e husi 15% ba leten ne’e nia prodús ona bee”, Presidente Afes Unip. Lda, Evangelino Monteiro Soares, informa ba jornalista sira iha Fundasaun Orinte, Akait, Tersa, (27/02).
Nia hatutan “Tanba ne’e mak importante halo koperasaun entre kompañia timoroan ho kompañia estranjéiru para ita halo investimentu nune’e bele kria mós servisu iha ita-nia rai-laran i kria mós bee ne’ebé moos ba ita-nia komunidade, purtantu iha sidade no mós iha fofo, tanba ida-ne’e mákina ida-ne’e teknolojia foun, klaru desífil maibé husi kompañia australianu ho kompañia timoroan responsabiliza para fó treinamentu ba ita-nia konsumidór sira iha Timor tomak atu nune’e sira bele uza mákina ida-ne’e para prodús bee”.
Kompañia Clean Water husi Austrália koopera ho kompañia lokál Afes ohin halo produsaun dahuluk ba mákina prodús bee husi anin, tanba ne’e, ho produsaun ne’e timoroan sei bele hemu bee-moos husi anin, no seidauk iha história kona-ba hemu bee husi anin, tanba ne’e empreza australianu no timoroan ne’e sei fasilita formasaun atu nune’e komunidade mós bele hemu bee husi anin.(*)
2,652 total views, 3 views today
Bele hare Video Seluk :
Subscribe to Timorpost
