ADVERTISEMENT

Deskonfia Konflitu Interese, KAK Haruka Karta ba MI

Jornalista : Beatriz Belo
Editor : Liduway Xavier
  • Share
Edifisiu Komisaun Anti Korrupsaun (CAC-Sigla Portugés)

DILI, (timorpost.com) — Deskonfia mosu konflitu interese iha prosesu rekrutamentu ba funsionáriu kazuál 300 iha Ministériu Interiór (MI) foin daudauk ne’e, Komisaun Anti Korupsaun (KAK) haruka ona karta ba MI atu fornese dokumentu administrasaun ba rekrutamentu nian ne’ebé deskonfia la tuir prosedimentu.

Diretór Jerál Investigasaun KAK, José Verdial de Araújo, hatete liga ba iha preokupasaun husi Parlamentu Nasionál husu KAK atu halo investigasaun ba rekrutamentu funsionáriu kazuais liu na’in 300 iha Ministériu Interior nee, KAK halibur ona informasaun kona-ba kazu ne’e.

ADVERTISEMENT
SCROLL FILA BA NOTISIA


Lee Mós :
POLTRANZ Aviza Kontentór Sirkula Tuir Regra

“Sim, ita halibur daudauk ona informasoes, foin iha semana kotuk ami asina ona karta ida haruka ba iha Ministériu Interiór ( MI) para depois husu dokumentu sira relasiona ho prosesu rekrutamentu ba funsionáriu kazuais liu na’in 300 ne’e,” dehan José ba Jornalista sira iha edifísiu Timor Post, Kuarta (06/12).

Tuir nia KAK nia kompeténsia mak atu halo investigasaun ba aktu sira ne’ebé iha indísiu ba krime korupsaun, tanba ne’e KAK tenke halo separasaun ba aktu administrativu no aktu krime, maibé liga ba iha rekrutamentu husi Minsitériu Interiór (MI) tuir lei númeru 7/2020 ko’alia kona-ba krime Konflitu de Interese.

Lee Mós :
Ustad Mohamad Nico husu Governu Tetu Hikas Polítika fo Subsídiu ba FP

“Asaun rekrutamentu sira hanesan ne’e, bele mós iha indisiu halai ba krime korupsaun konflitu de interese, maibé atu identifika ida-ne’e tenke liuhosi prosesu ruma, tanba asaun ne’ebé ita halo ne’e la’os de’it hein denúnsia husi públiku mak hafoin halo investigasaun, maibé kazu hanesan ne’e banhira simu informasaun KAK tuun foti dadus ka rekolla informasaun,” nia hatete.

Entretantu, tuir informasaun ne’ebé iha katak foin lalais ne’e Ministériu Interiór halo rekrutamentu ba funsionáriu kazuál liu nain 300 koloka iha Diresaun Nasionál ba Prevensaun Konflitu (DNPC).

Lee Mós :
Xanana saúda decisão da justiça australiana de autorizar Bernard Collaery a recorrer ao TR

Prosesu rekrutamentu ba ema hirak ne’e deskonfia la kumpri prosedimentu rekrutamentu tuir iha Lei Funsaun Públiku no Estatutu Funsaun Públiku nian.

Aleide ida-ne’e, iha informasaun seluk mós katak prosesu rekrutamentu ne’e la halo anúnsiu públiku, derepente de’it ema liu 300 ne’e nia naran taka iha kuadru avizu Ministériu Interiór nian.(*)

 594 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Deskonfia Konflitu Interese, KAK Haruka Karta b…” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No