Dili (timorpost.com)—Polísia Nasionál Timor-Leste (PNTL), liuhosi Servisu Informasaun Polísia Nasionál (SIPN), ohin Segunda-Feira (09/10/2023) asegura joven mane na’in rua ho naran inisiál JS, tinan 18 hosi Maubisi Munisípiu Ainaru, hela iha Matadouru, Aldeia 01 Setembru, Postu Administrativu Vera-Cruz, Munisípiu Dili no AMDS hosi Munisípiu Aileu, hela iha area Tuana Laran, Aldeia Matua, Suku Vila Verde, ne’ebé envolve krime jerál ba kazu na’ok sasán iha Kapitál Dili.
Suspeitu na’in rua ne’e ekipa SIPN hosi Aranha Oeste kaptura iha area Comoro bainhira ho motor lori hela sasán na’ok hanesan laptop 2 ho marka Asus 1 no Toshiba 1 ba fan iha komunidade balu ne’ebé hela iha Aldeia 01 Suku Fatuhada, Postu Dom-Aleixo, Munisípiu Dili.’
“Prosesu identifikasaun suspeitu JS deklara nia mak foti duni laptop rua ne’e hosi vítima na’in rua ho naran Erica no Ameta ne’ebé sei iha relasaun família tanba nia laiha liu osan”. Timor Post asesu husi media Facebook Serviço Relações Publica.
Iha prosesu identifikasaun ekipa servisu kontaktu kedas ba SIK (Servisu Investigasaun Kriminál) hosi Eskuadra PNTL Dom-Aleixo mai foti hodi kontinua halo prosesu investigasaun antes submete ba tribunál hodi tuir prosesu julgamentu.
Antes ne’e suspeitu JS komete ona kazu na’ok osan, na’ok telefone no mós hadau telefone iha dalan públiku ne’ebé mak rejista ona iha PNTL.
1,629 total views, 6 views today
Bele hare Video Seluk :
Subscribe to Timorpost
