STAE Aprezenta Kritériu ba Kandidatura Xefe Suku

Dili (timorpost.com)—Sekretáriu Tékniku Administrasaun Eleitorál (STAE) husu ba kandidatu xefe suku sira hakbesik aan ba sede suku ida-idak hodi aprezenta ba meza eleitorál suku.

“Fó hatene ba sidadaun sira ne’ebé hakarak atu kandidata a’an ba xefe suku, bele hakbesik a’an ba iha ida-idak nia sede suku hodi aprezenta ba iha meza eleitorál suku iha loron 13 fulan Outubru 2023, iha oras tuku 10:00 to’o iha tuku 13:00 otl,” timor post sita iha pájina STAE, Kuarta (04/10).

SCROLL FILA BA NOTISIA

Kriteira Kandidatu/a an ba Xefe Suku:

Tenki sidadaun Timor-Leste ho idade tinan 17 ba leten halo ona resenseamentu eleitorál hela duni iha suku tuir unidade jeográfika eleitorál ne’ebé atu kandidata aan ba rekizitu ne’ebé presiza kandidatura xefe suku atu lori maka hanesan
Foto kopia kartaun eleitorál tahan 2.
Foto koloridu 3×4 kandidatu nian tahan 2.
Prienxe formuláriu aseitasaun kandidatura.
Aprezenta lista apoiante 1% husi eleitór suku ne’ebé atu kandidata a’an ba (lista total apoiante 1 % suku no aldeia nian bele hare iha kuadru avizu kada suku ida-idak)
Foto kopia kartaun eleitorál apoiante sira nian tahan ida

Lee Mós :

Pasiente COVID-19 iha Vera Kruz Tún ba Na’in-6, Hein Rejultadu Teste Na’in-104

Ba hirak ne’ebé atu kandidata a’an ba iha xefi aldeia, delegada no delegadu aldeia nian sei aprezenta ninia kandidatura ba iha meza eleitorál aldeia iha sede aldeia ida-idak iha loron 28 Outubru 2023, iha oras tuku 08:00 to’o iha tuku 09:00 otl.

Lee Mós :

Candidatos a trabalhadores na Austrália esperam resultado dos testes

Alende ne’e pesoál ne’ebé mak atu kandidatu a’an ba xefe aldeia, delegadu no delegada tenke prienxe kritériu hanesan tuir mai ne’e;

Tenke sidadaun Timor-Leste ho idade tinan 17 ba leten halo ona resenseamentu eleitorál.

Hela duni iha aldeia tuir unidade jeográfika eleitorál ne’ebé atu kandidata a’an ba.

Lee Mós :

Covid-19, TL Seidauk Tama Iha Faze Pandemia

Ba rekizitu ne’ebé presiza kandidatura atu lori maka hanesan:

Foto kopia kartaun eleitorál tahan 2.
Foto koloridu 2×3 kandidatu nian tahan 2 3. Prienxe formuláriu aseitasaun kandidatura
Aprezenta lista apoiante 1% husi eleitór suku ne’ebé atu kandidata a’an ba (lista total apoiante 1% suku no aldeia nian bele hare iha kuadru avizu kada sede suku ida-idak).
Foto kopia kartaun eleitorál apoiante sira nian tahan ida.

5,112 total views, 6 views today

Oinsa Ita nia Reaksaun iha Notisia Nee?