DILI (Timor Post)—Atividade Flauta nu’udar instrumentu ka programa importante iha múzika mundiál, tanba ne’e Timor Leste (TL), komesa hahú no promove atu sai programa prekáriu di’ak ba nasaun Repúblika Demokrátika Timor-Leste (RDTL).
“Programa múzika flauta ne’e hanorin hosi ema koreanu sira iha tinan 2015, ne’ebé sira mai profesór múzika ba Flauta ne’e mai hanorin iha eskola 30 de Augusto,” dehan profesora, Rogentina Soares Gomes ba Online Timor Post, iha eskola 30 de Augusto, Sesta (05/08).
Tuir Profesora múzika flauta ne’e, hatete hosi atividade ba instrumental flauta ne’e sira hetan profesór sira hosi Korea mak mai hanorin ba estudante sira, liu-liu profesór sira mós bele hatene ona hodi lori programa hahú Flauta ne’e, hodi mai hanorin fali ba estudante sira seluk.
“Fou-foun aprende Flauta ne’e difísil no ami mós hasoru dezafiu lubuk ida, mak hanesan dala-ruma hanorin estudante sira balun ladauk hatene notas ba Flauta, tanba Flauta ne’e antes atu huu presiza hatene notas, depois tuir ho múzika”, Nia hateten.
Nia hatutan, difikuldade ba sira mak kona-ba flauta ne’e estudante barak dala-ruma ladún dekor didi’ak ho notas, tanba ne’e mak sira hanesan manorin na’in sira bele esforsu aan, atu estudante bele hodi jerasaun ba jerasaun tuir mai karik hakarak tuir programa flauta ida ne’e bele hatene ba oin nafatin.
Programa Flauta ne’e hanesan instrumental ne’ebé dezvia iha fatin-fatin liu-liu iha nasaun Timor-Leste, maibé ba nasaun seluk seidauk tanba buat hotu-depende ba Governu, nune’e espera promosaun ba atividade ne’e bele la’o ba oin ho di’ak.
“Ha’u hanesan profesora ida hodi programa Flauta ne’e ba eskola 30 de Augusto nian, hakarak rekomenda ba Governu, bele loke luan taan oportunidade ruma mai ami atu ami bele lori programa Flauta ne’e sai hanesan instrumental prinsipál mós iha nasaun ba nasaun seluk,” nia hato’o.
Nia mós hatete, sira hakarak lori programa hanesan Flauta ne’e ba oin nafatin depende ba Governu, tanba programa ne’e mai hosi organizasaun noun-governamentál ONG KOICA hosi Korea.
Programa flauta ne’e, foin mak loke iha munisípiu rua, hanesan iha Laútem ho Dili, durante ne’e profesór sira Korea mak mai hanorin, maibé tanba situasaun Covid-19 sira fila.
“Ami mak hatutan fali programa ida ne’e iha Timor-Leste, tanba ne’e fiar katak Governu sei prioritiza mós atividade ida ne’e sai atividade desportiva ida iha nasaun laran”, nia hakotu.
1,946 total views, 6 views today
Bele hare Video Seluk :
Subscribe to Timorpost
