DILI, (TimorPost.com) – Governu liu husi Ministériu Saúde hamutuk ho Organizasaun Mundial Saúde Marka loron mundiál la fuma tabaku iha loron 31 Fulan Maiu hodi fo importánsia ba pasu sira iha nasaun ne’ebé Livre husi tabaku.
Reprezentante Organizasaun Mundiál Saúde iha Timor-Leste, Arvind Mathur, hatete, Timor-Leste nu’udar nasaun ida husi nasaun 20 iha mundu ho taxa uza tabaku aas, no entre nasaun illa ki’ik lima ne’ebé sei dezenvolve hela inklui Kiribati, Nauru, Tuvalu, no Solomon, ne’ebé uza tabaku barak liu.
“Survey ida iha tinan 2014, hala’o Iha Timor-Leste uza métodu OMS hanaran STEPS, hatudu katak insidénsia uza tabaku iha Timor-Leste mak 48.690. Tabaku nu’udar inimigu perigozu ba ita-nia Saúde, la’ós de’it ataka ita nian pulmaun maibé mós ita-nia fuan, kakutak, no sistema Imunidade”, dehan nia iha salaun Sentru Saúde Formoza, Kuarta (31/05/2023).
Ho ida ne’e, nia efeitu longu prazu mak moras króniku, sofrimentu, no mate sedu. OMS Timor-Leste iha kompromisu atu suporta Ministériu Saide atu promove atitude Saúde no halo advokasia hasoru forma tabaku hotu-hotu.
Nia dehan, Governu Timor-Leste hatudu ona kompromisu firme ho hasa’e taxa tabaku ho progresivu. Dezde fulan Janeiru tinan 2022, taxa ba tabaku Iha Timor-Leste hasa’e ona husi dolar Amerikanu 19 USD per kg ba 50 USD per kg, ba konsumu sigarru tuun ho signifikante no hatudu dedikasaun governu atu proteje Saúde públiku.
Esforsu atu reduz tabaku hirak ne’e sei hadi’a Saúde públiku ho signifikante no kombate moras ida hada’et sira (NCD), e’ebé mak agora dadaun responsabiliza ba mate kuaze 459 iha nasaun ne’e.
Ho ida-ne’e, Timor-Leste mós implementa ona Pakote Esensial Moras La Hada’et Sira (PEN) atu detekta no interven iha fatores risku hanesan uza tabaku, hipertensaun no estilu moris. Uza aproximasaun holistiku atu promove Saúde, Ministériu Saúde la’os deit kombate uza tabaku maibé adopta mós kultura bem-estar.
Organizasaun Mundial Saúde suporta ona estabelesimentu jiniziu area publiku iha fatin komunidade balun, enkoraja sidadaun sira atu kaer metin estilu moris ativu no prioritiza sira nia Saúde.
Iha fatin hanesan, Ministra Saúde, Odete Maria Freita Belo, hatete, Ministériu Saúde nia atinjimentu n’ebé di’ak, hetan priviléjiu rekoñesimentu husi Diresaun jerál OMS ihaLoron mundiál La Fuma tabaku.
“Rekoñesimentu ida ne’e signifika governu nian kompro-misu atu kria nasaun saudavel no sai hanesan inspirasaun ida atu kontinua jornada ba sosiedade livre husi tabaku, iha okaziaun Loron Mundial La Fuma Tabaku, Ministériu Saúde no Organizasaun Mundial Saúde (OMS) refleta husi inisiativa no atinjimentu ba kombate adisaun tabaku no promove nasaun saudavel,” dehan nia.
Tanba ne’e, Ministériu Saúde iha kolaborasaun ho OMS Timor-Leste, Iha ona planu ba jornada transformativu ida ne’e.
Entretantu, Gaspar da Silva, ho Idade 48 artista freelance husi Dili, fahe ninian istória inspirativu husi hapara fuma ho susesu ho suporta husi Sentru Hapara Fuma Formoza.
“Dezde fulan Dezembru tinan 2022, ha’u simu ona asisténsia presiozu liu husi vizita akompañamentu lubuk Ida, konxiente ba Impaktu pozitivu husi Ministériu Saúde nian servisu iha parseria ho OMS”, tenik nia.
Sentru Hapara Fuma Formoza, sai dahuluk husi sentru haat seluk ne’ebé estabelesidu iha fulan Outubru tinan 2021, kontinua atu fornese akonsellamentu, orientasaun, no asisténsia médiku ba timor atus ba atus ne’ebé buka atu rezolve dependénsia ba tabaku, iha Sentru HaparaFuma tolu seluk lokizadu iha Ermera, Likisá no Oe-cusse
1,596 total views, 3 views today
Bele hare Video Seluk :
Subscribe to Timorpost
