DILI – Eis Prezidente Kámara Komérsiu Indústria Timor-Leste (CCI-TL), Oscar Lima, hatete, Timoroan sira iha kapasidade no preparadu prontu atu investe iha Investmentu boot, maibé importante tenke iha lejizlasaun loloos atu garante nune’e ema brani atu halo Investimentu.
“Prinsipalmente ita hare kona-ba rai ne’e too agora, sertifikadu too ohin loron seidauk iha, sertifikadu mak importante atu bele fó garante ba emprezáriu sira, asesu kréditu ho jurus ne’ebé mak ki’ik, kuandu lejizlasaun ne’e klaru ona emprezáriu sira barani atu halo investimentu boot iha ita nia rai,” nia dehan iha Aeroportu Internasionál Nicolau Lobato, Komoro, Segunda (20/03).
Iha sorin seluk, Diretór Ezekuta SERVE, I.P, Florencio Sanches, hatete, lei seidauk premite atu ema hotu halo atividade komersiál eletrónika, tanba ASEAN no WTO rasik, ezije lei , tanba ne’e hein katak Governu bele tuur hamutuk lalais hodi kria lei dijitalizasaun, liuliu rejistu lisensiamentu komersiál.
“Se karik indústria boot balun mosu mai, maibé lei bankarrota, ita prosesu oinsá, lei hirak ne’e presiza tebes atu nune’e hatudu ba sira katak, lei refere labele fó favorese ba sidadaun Timoroan sira, tanba iha padraun Internasionál hateten katak lei refere tenke armoniza ba nasaun hirak seluk ne’ebé mak iha hanesan “, nia hato’o.
Antes ne’e Presidente CCI-TL, Jorge Serano, hatete, problema boot ba ekonomia rai laran, tanba lei lubun mak seidauk iha klareza.
“Problema boot iha ita nia rain mak lejizlasaun, lei balun seidauk iha, no seidauk klareza no lei balun ita konsidera soke malu, tanba ne’e ha’u lori CCI-TL,” nia hateten.
805 total views, 3 views today
