ADVERTISEMENT

Prezidente Horta ho PM Nova Zelándia Diskute Situasaun Internasionál

Mario da Costa - Internasional
Reportajen : Mariano Abi
Editor : Mário da Costa
  • Share
Prezidente Repúblika, José Ramos Horta, ko'alia hela ho Primeira Ministra (PM) Nova Zelándia, Jacinda Ardern, Imajen Esp.

DILI (timorpost.com) — Prezidente Repúblika (PR), José Ramos Horta, Sábadu fim semana ne’e iha ONU loron 24 fulan Setembru 2022, hala’o enkontru Bilateral ho Primeira Ministra (PM) Nova Zelándia, Jacinda Ardern, hafoin partisipa iha Asembleia Jerál Organizasaun Nasoens Unidas (ONU) ba dala-77 iha Nova Iorke Estadu Unidus Amérika.

Enkontru ne’e, partisipa husi Ministra Negósiu Estranjeiru no Kooperasaun, Adaljiza Magno no Embaixadór Timor-Leste ba ONU, Carlito Nunes, no seluk tan.

ADVERTISEMENT
SCROLL FILA BA NOTISIA

Prezidente Repúblika, José Ramos Horta, informa enkontru ho Primeira-Ministra Nova Zelándia, ko’alia liu kona-ba situasaun internasionál, liu-liu kona-ba funu entre Ukránia ho Rússia ne’ebé fó impaktu ba mundu inklui Timor-Leste.

Lee Mós:
Hakarak Hadi’a Sistema Saúde, Rui Paulo Hasoru PR Horta

“Ami ko’alia liuliu kona-ba situasaun internasionál balun, klaru hotu-hotu ko’alia kona-ba problema boot iha Ukránia, tanba konflitu Rússia ho Ukránia ne’e impaktu ba mundu tomak inklui ba ita, através de problemas, sansoens, komérsiu internasionál hetan impaktu entaun folin sasán sa’e iha mundu, tanba ne’e mak impaktu ita diretamente, Timor-Leste nia pozisaun klaru ba ida-ne’e. Maibé, ko’alia mós kona-ba Myamar, ita labele ko’alia de’it kona-ba funu iha dok hanesan Ukránia, maibé la ko’alia kona-ba buat ne’ebé akontese iha ASEAN nia klaran hanesan Myanmar,” sita komunikadu husi delegasaun Prezidente Horta, ne’ebé Timor Post Online asesu, Domingu (25/09).

Lee Mós:
Governu Sei Partisipa Serimónia Funerál Eis PM Japaun

Xefe Estadu konsidera, Relasaun Bilaterál Timor-Leste nian ho Nova Zelándia hanesan prioriodade nasionál hanesan mós Austrália ho Indonézia no seluk tan.

“Ne’e duni relasaun bilaterál ho Nova Zelándia ha’u konsidera hanesan prioridade nasionál importante hanesan ita-nia relasaun ho Austrália, importante hanesan ita-nia relasaun ho Indonézia no rai sira seluk hanesan Singapura. Maibé haree mós ba possibilidade Timor-Leste ho Nova Zelándia atu inkrementa liu-tán relasaun bilateral, ne’e mak ko’alia di’ak ho señora Primeira-Ministra Nova Zelándia,” PR Horta tenik.

Lee Mós:
Timor-Leste Kuntinua Oferta Esforsu Hodi Adere ba OMK

Maski nasaun ne’ebé ki’ik no la viziñu ho Timor-Leste, nune’e tuir Xefe Estadu katak, Nova Zelándia mós fó apoiu makas tebes ba Timor, dezde iha tempu luta, tanba iha 1999 Nova Zelándia ho nasaun sira seluk mak halo negosiasaun no mediasaun hodi hatama forsa INTERFET mai Timor-Leste.

Nune’e mós iha krize 2006, Nova Zelándia kontinua apoiu forsa mai Timor-Leste hodi fó apoiu seguransa iha Timor.

 1,201 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “Prezidente Horta ho PM Nova Zelándia Diskute Si…” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: