MANUFAHI, (timorpost.com) — Governu liuhosi Ministériu Petróliu no Rekursu Minarai (MPRM) iha hanoin atu industrializa setór petróliu iha suku Betanu, postu administrativu Same, munisípiu Manufahi.
“Governu liuhosi Ministériu Petróliu Rekursu Minarai iha hanoin ida ba iha munisípiu Manufahi, partikulamente ba Betanu iha projeitu Tasi-Mane, objetivu prinsipál mak industrilizasaun setór Petróliu atu akompaña halo esportasaun, tanba depois hetan mina ka hetan gas karik, sira produs tiha depois fa’an direitamente ba merkadu, ida-nee ladún hetan aproveitamentu no ladún involve iha nia kadeia de valór husi dezenvolvimentu setór ne’e rasik no la hetan kampu de traballu”, Ministru MPRM, Francisco da Costa Monteiro, informa ihaa ámbitu sosializasaun projetu tasi-mane ne’ebé hala’o iha salaun IPB, Betanu, Segunda, (12/02).
Nia hatutan “Natarbora mak ita sei halo abrantes ka definaria no kímika, ne’e katak tinan 4 ka 5 mai Governu prometidu katak hahú daudauk ona projeitu tasi-mane, maibé ita hein katak planu barak bele akontese hotu antes iha rohan governasaun ida-ne’e, karik seidauk hotu krik governasaun tuir mai bele hatutan tan hodi ho di’ak, objetivu prinsipál industizasaun ita setór petroliu ne’e bele la’o duni iha ita nasaun”.
Tanba ne’e, objetivu prinsipál vizita MPRM ho nia ekipa ba Betanu hodi sosializa programa Governu Konstitusionál da-IX nian ba dezenvolvimentu Kosta Súl.
MPRM halo sosializasaun kona-ba projetu Tasi-Mane hahú husi Suai, munisípiu Kovalima, kontinua Beto munisípiu Manufahi no sei ba to’o parte munisípiu Vikeke nian.
Iha fatin hanesan, Prezidente Autoridade munisípiu Manufahi, Luis da Costa Marçal, hatete, povu Manufahi prontu simu kualkér desizaun ba saida de’it mak Governu sentrál hatuur mai iha munisípu Manufahi, liuliu iha suku Betanu.
“Ami laiha kbi’it ida, atu dehan hakarak ka lakohi, tanba kbi’it tomak iha nasionál, karik iha mudansa ruma ka planu ruma anteriór no atu fó desizaun foun ruma balun ba ami mós prontu atu simu, tanba dezenvolvimentu ne’e ba iha beiala sira-nia mehi ba kualkér dezenvolve ita rai”, nia akresenta.
Entretantu, partisipa iha serimónia sosializasaun ne’e, Presidente CNCLN, Diretór Jerál MPRM, Prezidente Timor GAP. EP, Presidente Autoridade Munisípu Manufahi, Komandante PNTL munisípiu Manufahi no Prezidente IPB, inklui partisipa husi autoridade lokál sira iha munisípu Manufahi.
Sosializasaun ne’e hetan seguransa másimu husi PNTL munisípiu Manufahi.(*)
2,478 total views, 6 views today
Bele hare Video Seluk :
Subscribe to Timorpost
