Dili (timorpost.com)— Reprezentante Banku Mundiál iha Timor-Leste Bernard Harbone ohin Segunda (18/09/2023) hala’o enkontru ho Xefe Governu Kay Rala Xanana Gusmão hodi deskute kooperasaun servisu entre governu no banku.
Husi enkontru refere, reprezentante Banku Mundial ne’e hatete, durante ne’e, Governu Timor-Leste hala’o imprestimu hosi Banku Mundiál hamutuk millaun $350 hodi finansia infraestrutura.
“Ami kontente tebes tanba iha enkontru ne’e hatudu rezultadu di’ak tanba ami bele servisu hamutuk ho Governu ida ne’e ba oin” haktuir Bernard ba jornalista iha Palasiu Governu, Dili.
Nia dehan, Banku Mundial fó ona suporta ba Timor-Leste dezde independénsia no ajuda ona Timor-Leste hodi atinje progresu ne’ebé di’ak iha área oi-oin hanesan aumenta tan atendimentu labarik sira iha eskola no fornese ajuda ba infra-estrutura hanesan hadi’a eskola, sentru saúde sira iha komunidade nia leet no programa seluk tan.
720 total views, 6 views today
