DILI (timorpost.com) – Primeiru Ministru (PM) Kay Rala Xanana Gusmão, husu profesór kontratadu sira hein hodi tuir regra, tanba prosesu rekrutamentu la’o hela.
Primeiru Ministru Kay Rala Xanana Gusmão hatete, profesór kontratadu sira ne’ebé sempre mosu iha Ministériu Edukasaun (ME) ne’e hatene ona katak se mak iha sira nia kotuk.
“Problema ne’e regra, atu tama ba ne’e tenke tuir regras la’ós hatama de’it, hatama de’it kazuais sira para barak ida,” Xefe Governu ne’e hateten ba Jornalista sira iha Palásiu Prezidensiál Nicolau Lobato Bairru Pité, Kinta (22/02).
Xanana hatutan, bainhira tama ne’e kazuais sira barak los, kuaze ne’e miliares, iha gabinete PM nian ne’e husu ba maibé sira la hatene atu halo saida, iha Arsénio Bano ninian Gabinete funsionáriu kazuais hamutuk na’in-428, ne’e mai husi ne’ebé.
“Ha’u hatene sira iha hela ne’ebá maibé favor ida hein, tanba prosesu rekrutamentu agora la’o hela, tanba ne’e hein,” nia akresenta.
Maibé karik mak governu ne’e hakarak bolu de’it ninia ema entaun hasai hotu ema, maibé lae, tanba ne’e mak bolu Rogeiro Tiago Lobato, ba Prezidente Autoridade RAEOA.
“Para bele hamutuk hodi hanoin ba objetivu ne’ebé mak boot liu ba ita nia rai ba ita nia povu, maibé lae besik mandatu atu hotu ona hatama fali tan funsionáriu kazuais sira tan,” nia hateten.
“Ha’u husu ba profesór sira, lori sira mai to’o Ministériu Edukasaun tanba sira labele ba iha Palasiu Governu hotu, maibé lae o profesór ba Ministériu Edukasaun, karik Doutór entaun ba Ministériu Saúde,” nia hatete.
Xefe Governu ne’e dehan, lori ba para bele hatene sira nia problema, se presiza tan profesór entaun bele haree took ba, la’ós katak lori sira ba ne’e hatama kedas, ne’e labele tenke tuir regra.
PM Xanana husu ba profesór kontratadu sira tenke tuir regra, nune’e mós se mak iha profesór kontratadu sira nia kotuk ne’e, la’ós duni sira, maibé hasai hodi tuir fali regra rekrutamentu ninian mak foin ba profesór.
5,019 total views, 3 views today
Bele hare Video Seluk :
Subscribe to Timorpost
