DILI, (timorpost.com) — Ensiñu Pre-Eskolár Católica do Sagrado Coração de Jesus (Sacrojes) Bekora, iha Sábadu (02/12) realiza serimónia graduasaun ba estudante infantíl hamutuk 127.
“Ohin dia 02 de Dezembru eskola Sakrojes Infantíl halo graduasaun ba estudante hamutuk 127 pesoas neebe ohin ita asisten ona,” dehan Diretór Eskola Sacrojes, Padre Helio da Costa Nunes, iha diskursu, Sábadu (02/12).
Padre Helio hhatete, prosesu finál ba estudante infantíl ne’e la’os fásil, maibé liuhosi prosesu hotu, tanba ne’e agradese ba Aman Maromak, tanba liuhosi nia grasa domin no tulun mak ohin konsege realiza eventu graduasaun ida-ne’e.
“Loos duni ita atu akompanha ita-nia alin sira ne’e la’os fásil, maibé presiza ema ne’ebé pasiénsia no ema ne’ebé haraik-an,” dehan padre Helio.
Tanba ne’e, padre Helio da Costa Nunes, husu ba inan-aman sira atu kontinua dedikasaun oan sira no suporta sira atu kontinua eskola.
Iha fatin hanesan represente husi estudante sira, António da Silva mós agradese ba eskola Sacrojes, tanba liuhosi eskola dedikasaun ba sira-nia oan sira durante tinan rua iha ne’e.
“Ami agradese wain ba eskola, ba ami-nia oan sira-nia susesu, mezmu foin maka iha ensiñu báziku, maibé ami kongratula ba ita-boot sira-nia dedikasaun, tanba ida-ne’e fazparte ona oinsá atu dezenvolve kapasidade, ensiñu pre-primária nian,” António da Silva, hatete.
Nia hatutan, “Ami mós hakarak husu diskulpa ba profesór no profesora, inklui estrutura eskola nian, karik ami-nia oan sira hahalok durante ne’e kadavez halo imi hirus”.
Represente familia ne’e mós agradese ba estrutura eskola tomak, inklui profesór no profesora sira ne’ebé ho pasiénsia no dedikasaun tomak hodi hanorin estudante infantíl sira to’o remata.(*)
1,338 total views, 3 views today
Bele hare Video Seluk :
Subscribe to Timorpost
