DILI (timorpost.com) – Komisaun Nasionál Eleisaun (CNE), realiza workshop kona-ba elaborasaun planu estratéjia ba tinan 2023-2028, iha loron 12 to’o 16 hodi haree kualidade serbí ba Demokrasia iha rai laran.
Prezidente Komisaun Nasionál Eleisaun (CNE), José Belo, afirma ohin sira halo workshop ne’e hanesan iha introdusaun fó hatene CNE katak, tanba nia ezisténsia hakarak dehan kualidade serbí ba Demokrasia.
“Entaun ita tenke presiza prepara ho di’ak no mós ita tenke haree ba kotuk uitoan karik iha lakuna balun no iha prosesu balun ne’ebé ita sente di’ak, ne’ebé ita tenke haforsa nafatin CN, ne’ebé ita tenke presiza halo reflesaun ida atu oinsá mak ba futuru ita tenke presiza iha planu estratéjia ida hodi bele orienta ita hodi ita bele kondus instrusaun ida ho di’ak”, nia hateten hafoin remata workshop iha Salaun Laline- Lariguto, Kolmera, Segunda (12/09).
Nia dehan, planu estratéjiku ne’e la’ós ba Komisaun ne’ebé agora iha ona, maibé liuliu ba Funsionáriu iha instituisaun ne’e tomak hodi bele halo Programa no servisu ho di’ak.
“Tanba ne’e agora ita haree uluk ita-nia planu estratéjia ne’ebé tinan 5 ka 10 liubá, haree ba mudansa iha Rai barak bele mós hanesan influensia kona-ba ita-nia Demokrasia ninia lala’ok, Edukasaun sívika ne’ebé Ema konfunde ho eleitorál ka Edukasaun”, nia tenik.
Iha hanesan fasilitadór ba Planu estratéjiku, Joaquin Freitas, dehan nia hetan konfiansa husi CNE, hodi haree ba prosesu planu estratéjia, no iha prosesu ida ne’e sira halo ona asesmentu ba Partidu Polítika sira no asesmentu Polítiku ne’ebé relevante no agora sira halo semana ida sira hamutuk hodi halo analiza balun ne’ebé liga ho sira-nia servisu.
“Ho ida ne’e mós planu estratéjiku atu hatuur liu oinsá maka bele enkuatrulojika ida ho nia baze rezultadu no depois iha atividade CNE hodi hala’o”, nia hakotu.
1,709 total views, 3 views today
Bele hare Video Seluk :