DILI (timorpost.com)—Grupu haat ne’ebe sei reprezenta nasaun Timor-Leste partisipa festival kultura area Pasífiku juventude ba dahuluk iha Petaling Jaya Falalur Malázia.
Grupu haat ne’ebé sei reprezenta Timor-Leste ba partisipa iha festival kultura Malázia ne’e hanesan, Grupu Timor Furak, Le-ziaval, Arte Moris no Marivi.
Koordenadór grupu Timor Furak Olívio E. dos Santos hatete husi timor Furak, le-ziaval, reprezenta arte moris no artista Maria Vitoria sei reprezenta Timor-Leste ba partisipa festival kultura area Pasífiku juventude ba dahuluk iha Petaling Jaya Falalur Malaysia hahú 21 ate 26 Setembru 2023, nia hatete ba jornalista sira iha Timor Plaza, (19/09).
Objetivu partisipa festival ne’e hakarak hatudu kultura Timor-Leste liu husi modalidade dansa kultura, múzika no pintura ba nasaun sira seluk.
Partisipasaun kompostu ema 13 dansa kultura ema 11 Pintura 1 artista 1.
“Kona ba preparasaun, ami prepara durante fulan ida hahú inisiu iha Timor Furak no remata iha koléjiu ball”.
Husi preparasaun ne’e ekipa konkorda akordu ho tékniku haat hanesan Timor Furak sei lori dansa kultura, arte moris lori produtu pinta tais no Maria Vitoria sei kanta múzika no títulu tais hakerek husi Mitu Freitas.
Partisipa ba Festival Malaysian ho nasaun hamutuk 10 hanesan: China, India, Indonesia, Japan, Thailand, Iran, Philippines, Srilanka, Singapura no Timor-Leste.
Ekipa sei arranka iha loron 20 Setembru no sei fila mai Timor-Leste bainhira festival remata.
Atu hatete de’it, atividade ne’e hetan suporta husi Ministériu Juventude Desportu Arte Kultura (MJDAK), Sekretáriu Arte Kultura, PM Xanana Gusmão, Ministériu Industrial, BNCTL no East Timor Treating.
1,625 total views, 3 views today
Bele hare Video Seluk :
Subscribe to Timorpost
