DILI, (timorpost.com) — Governu liuhosi Ministru Defeza (MD), Donaciano C. Gomes “Pedro Klamar Fuik” fó opsaun rua mak membru FALINTIL Forsa Defeza Timor-Leste (F-FDTL) hamutuk 500 ne’ebé involve-an iha Grupu Arte Marsiál. Opsaun rua ne’ebé membru identifikadu sira tenke hili mak mantein iha militár husi arte marsiál ou hili arte marsiál no sai husi forsa.
“Membru kuaze mais 500 identifikadu tenke deside ida hili militár atu serví povu no nasaun ka hili arte marsiál sai husi forsa, mas desizaun di’ak liu ba militár sira depois sira hetan formasaun sira ne’e hotu, ha’u fiar katak di’ak liu maka serví F-FDTL, serví Estadu, nasaun, di’ak liu maka ida-ne’e, laiha ida ne’ebé maka di’ak liu hanesan militár, hanesan Polísia atu serví nasaun, serví povu, serví ema hotu nia interese”, Ministru Defeza, Kontra Almirante, Donaciano C. Gomes, “Pedro Klamar Fuik” hato’o ba jornalista sira iha Salaun VIP, Aeroportu Internasionál Prezidente Nicolau Lobato-Dili, Tersa, (21/11/2023) hafoin fila husi Jakarta-Indonézia hodi partisipa enkontru ASEAN Plus entre Ministru Defeza iha Jakarta.
Governante esplika, relativamente poziasaun membru forsa armda ne’e klaru ona katak, sira halo kompromisu iha tinan 2009, Governu ateriór hatete membru F-FDTL ho Polísia Nasionál Timor-Leste (PNTL) labele partisipa iha kualker atividade arte marsiál no atividade polítika ne’ebé define ona tuir lei.
“Iha 2009 F-FDTL kumpre hela rezolusaun ida-ne’e to’o agora, identifika iha membru partisipa sese, husi komandu F-FDTL rasik alista i bolu hatete eskoilla hakarak atu kontinua arte marsiál ka hakarak atu seví F-FDTL para serví interese estadu no nasaun nian, ida-ne’e klaru ona ba F-FTDTL”, Klamar Fuik hatete.
Pedro Klamar Fuik hatutan “Se ha’u la sala dadus ne’ebé husi Komandu mais 500 membru identifikadu, Primeiru Ministru hatete dehan tenke halo juramentu iha dia 28 Novembru, tempu ida ne’ebé di’ak para ita bele espresa ita-nia kumpromisu ita-nia militár ba perante bandeira nasisonál, perante Repúblika Demokrátika Timor-Leste”, Ministru Defeza hakotu.
Antes ne’e, Komandante Komponente Navál, Komodoro Igino das Neves, hatete, membru F-FDRL husi Komponente Navál, hamutum 198 mak identifikadu inkliñ Grupu Arte Marsiá ho Grupu Arte Rituál, tanba ne’e sei halo juramentu ba Bandeira RDTL.
Bainhira rai dia-ne’e atu hetan páz no estabilidade forsa armada ho seguransa labele envolve aktu sai kriminozu iha nasaun Timor-Leste, ou sai fali autór krime iha nasaun ida-ne’e.(*)
2,256 total views, 6 views today
Bele hare Video Seluk :
Subscribe to Timorpost
