DILI (timorpost.com) – Komandante Jerál (KOMJER) Polisia Nasionál Timor-Leste (PNTL), Faustino da Costa, bandu membru PNTL hotu-hotu atu simu subsídiu fim do Ano 200 USD.
“Relasiona ho subsídiu fim do Ano ho montante 200 USD, Governu deside fahe iha fulan Dezembru, Komandu Jerál PNTL, orienta ona membru PNTL hotu-hotu keta haluhan atu evita la bele hetan,” nia hatoo kestaun ne’e hafoin pose Komandante sira iha Kuartél Jerál PNTL, Kaikoli, Dili, Kinta (01/11).
Nia dehan, nia parte la ko’alia kona-ba saláriu báziku, maibé nia ko’alia redimentu mensal, tanba kuaze membru hotu-hotu hetan osan liuhusi 500 USD kada fulan.
“Ami-nia membru ajente sira de’it, kuaze hetan redimentu mensal iha fulan ida nia laran saláriu mais de 600 USD,” nia informa.
Nia haforsa liu tan, Komandu Jerál orienta sira ona membru hotu, atu evita simu subsídiu fim do Ano 200 USD, tanba laiha membru ida mak kada fulan hetan redimentu menus husi 500 USD, tanba ne’e evita labele simu.
“Ami PNTL ne’e, kuaze membru hotu hetan redimentu mensal ho montan 600 USD, husi ajente sira to’o iha ami hetan saláriu liuhusi 500 USD, tanba ne’e ba membru hotu-hotu presiza hatene, iha tempu badak ha’u sei fó sai,” nia hakotu.
6,290 total views, 3 views today
Bele hare Video Seluk :
Subscribe to Timorpost
