ADVERTISEMENT

PNTL Kontinua Blokeiu Estrada Diresaun UNTL

Mario da Costa - PNTL
Reportajen : Beatriz Belo
Editor : Mario da Costa
  • Share
PNTL konsentra iha Estrada Diresaun UNTL ho Parlamentu Nasional nian, Imajen TP/Beatriz Belo

DILI (timorpost.com) – Polisia Nasionál Timor-Leste (PNTL), liuhusi Unidade Polisia Tránzitu, Segunda (21/11), kontinua blokeiu estrada públiku diresaun Universidade Nasionál Timor-Lorosa’e (UNTL).

Tuir Observasaun Media Online Timor Post, iha terrenu, iha oras tuku 09:00 dadeer parte PNTL taka estrada públiku iha area resintu UNTL nian, relasiona ho Estudante sira-nia asaun Pasífiku kontra Parlamentu Nasionál (PN), atu sosa karreta ho laptop ba deputadu sira..

ADVERTISEMENT
SCROLL FILA BA NOTISIA

Enkuantu iha area resintu UNTL, kuaze nakonu ho Polisia Nasionál Timor-Leste (PNTL), Unidade Polisia Maritima (UPM), Unidade Espesiál Polisia (UEP), Unidade Polisia Fronteira (UPF) no BOP, hodi asegura no bandu estudante Aliansa Maubere Nasionál (AMN), atu la bele halo Manifestasaun iha area resintu UNTL nian.

Lee Mós:
PNTL Detein Autór Tuda Kanek Oknum Polísia

Nune’e mós, Polisia Nasionál Timor-Leste balun ho karreta hala’o patrulla iha area resintu UNTL nian.

Maski, PNTL bandu estudante sira ne’ebé hamahan iha Aliansa Maubere Nasionál (AMN), labele halo asaun Pasífiku kontra Parlamentu Nasionál, atu Sosa karreta ho laptop ba deputadu, maibé sira kontinua mantein halo asaun Pasífiku ne’e iha area resintu UNTL.

Entretantu antes ne’e Primeiru Ministru (PM), Taur Matan Ruak, agradese ba Juventude no estudante sira ne’ebé halo manifestasaun hodi kontra Parlamentu Nasionál (PN), atu labele sosa Karreta no Laptop ba Deputadu no Deputada sira.

Lee Mós:
SIP - PNTL Kaptura Joven Ida Komete Kazu Tentativa Homisidiu Iha Uatulari

“Ha’u hakarak aproveita agradese ba ita-nia joven sira ne’ebé halo manifestasaun maibé ohin sira proibidu ne’e sinál di’ak, tanba ha’u preokupa tanba ita-nia oan sira ne’ebé aban-bainrua sai Prezidente, Prezidente Parlamentu no sai Primeiru Ministru, inklui sai deputadu/deputada inklui sai Governante,” hateten Taur Matan Ruak, Iha Parlamentu Nasionál, Kinta kalan (17/11).

Nia dehan, nia parte preokupa tanba liafuan sira ne’ebé sai husi estudante no joven manifestante sira-nia ibun ne’e la eduka ka bolu dehan agresaun verbal, ne’e la di’ak no la eduka.

Lee Mós:
PNTL Liberta Ona Manifestante Defisiente Na’in-13

“Tanba buat ne’ebé sai husi ita-nia ibun ne’e hatudu ita ne’e se, entaun liafuan aat mak sai signifika ita mall edukadu ka ita-nia formasaun la di’ak, entaun ita-nia joven sira labele hanesan ne’e” hateten nia.

 579 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “PNTL Kontinua Blokeiu Estrada Diresaun UNTL” A few seconds ago
  • Share
ADVERTISEMENT
SCROLL FILA BA NOTISIA


Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error: