Timor Post (06/08/2020)—Prezidente Parlamentu Nasionál (PPN), Aniceto Guterres, fó pose ba José Telo Soares Cristóvão assume kargu nu’udar Provedór Adjuntu Boa Governasaun ba Provedoria Direitu Umanu no Justisa (PDHJ).
Serimónia dala ida ne’e iha parlamentu diferente tanba hala’o de’it varanda la’os iha sala plenária tanba covid-19.
Prezidente Parlamentu, alende parabeniza empusadu, parabeniza mós provedora PDHJ ba transparénsia ne’ebé aplika iha prosesu hili.
“ Hodi Parlamentu Nasional nia naran hato’o parabéns ba José Telo, selesionadu no hetan konfiansa asume kargu ne’e, ha’u fó apresiasaun ba provedora tanba tuir lei konforme ha’u hatene, provedór adjuntu hetan nomeasaun direita hosi provedór ka provedora, maibé primeira vés halo prosesu ne’e liuhosi konkursu públiku, halo konkorénsia. Dalan ne’ebé provedora hili hodi garante dalan transparénsia iha prosesu rekrutamentu ba provedór-adjuntu. Parabéns ba provedora ne’ebé halo ona prosesu ida-ne’e”, Aniceto apresia iha ámbitu serimónia tomada de pose ne’e.
Prezidente Parlamentu Nasionál V Lejizlatura ne’e dezafia no husu kontinua hatudu vontade alkansa objetivu sira nune’e rekoñese susesu sira-ne’ebé PDHJ alkansa ona durante ne’e.
Iha fatin hanesan, Provedora Direitu Umanu no Justisa, Jesuína Maria Ferreira Gomes, agradese ba Parlamentu Nasionál ne’ebé pose ona José Telo Soares Cristóvão ba Provedór Adjuntu.
Lider másimu iha PDHJ ne’e sita, artigu 16 pontu 1,2 no 3 hosi Lei númeru 7/2004 kona-ba estatutu Provedór Direitu Umanu no Justisa, Provedór bele nomeia provedór adjuntu na’in-rua ka liu bazeia ba kritériu transparente no objetivu, no tau iha konsiderasaun, nomeadamente, ninia integridade, independénsia, imparsialidade no kualifikasaun ba mandate másimu tinan haat (4).
Atu kumpre artigu hirak ne’e Provedór halo despaxu númeru 05/2008/PDHJ alitera ho despaxu númeru 01/2020/PHDJ loke konkursu públiku ba pozisaun Provedór-Adjuntu no kria ekipa juri hodi halo selesaun ba Provedór Adjuntu ho objetivu atu asegura prinsípiu boa governasaun no prinsípiu Paris kona-ba kompozisaun instituisaun nasionál direitu umanu nian.
Provedora haktuir, PDHJ loke prosesu selesaun ba provedor-adjuntu área boa governasaun hahú iha loron 17 juñu-24 Jullu 2020, hala’o hosi painél juri ne’ebé komposta hosi indivíduu ho alta integridade no neutralidade hosi instituisaun públiku no privada hanesan Komisaun Funsaun Públiku (KFP), JSMP no Luta Hamutuk.
Jesuína garante laiha dúvida ba juri sira-nia atetude transparénsia, imparsialidade no objetividade hatudu durante prosesu, ho rezultadu José Telo Soares Cristovão mak sai hanesan primeiru klasifikadu no ohin hetan tomada de pose ba Provedór-Adjuntu ba Governasaun di’ak ne’ebé sei koadjuva (coadjuva) ho Provedora Direitu Umanu no Justisa iha ninia mandate konstitusionál.
Iha serimónia pose ne’e partisipa hosi Sekretária Meza Parlamentu Nasionál Deputada Lídia Norberta Soares, Vise-Sekretária Meza Parlamentu Nasionál Deputada Regina Freitas, membru parlamentu balun no Sekretária Jerál Parlamentu Nasionál, Cedelizia Faria dos Santos.
Provedór-Adjuntu ba PDHJ, José Telo Soares Cristóvão, prontu kolabora ho ekipa sira iha PDHJ hodi garante boa governasaun iha rai ida-ne’e.
“Planu prioridade sira iha ne’ebá (PDHJ) ona tanba, ha’u ba ne’e hanesan kontinua de’it, ha’u sei kontinua saida mak iha ona”, informa Empussado. (Jornalista Julio Salinas Soares)
983 total views, 3 views today
Oinsa Ita nia Reaksaun iha Notisia Nee?
![Like](https://timorpost.com/wp-content/plugins/36/public/assets/img/reactions/like.gif)
![Love](https://timorpost.com/wp-content/plugins/36/public/assets/img/reactions/love.gif)
![Haha](https://timorpost.com/wp-content/plugins/36/public/assets/img/reactions/haha.gif)
![Wow](https://timorpost.com/wp-content/plugins/36/public/assets/img/reactions/wow.gif)
![Sad](https://timorpost.com/wp-content/plugins/36/public/assets/img/reactions/sad.gif)
![Angry](https://timorpost.com/wp-content/plugins/36/public/assets/img/reactions/angry.gif)
![Aniceto Guterres Fó Pose José Telo Ba Provedór Adjuntu iha PDHJ](https://timorpost.com/wp-content/uploads/2020/08/98836062-5515-4b2e-ab7c-3ef0cb727a2c.jpg)
Bele hare Video Seluk :
1
/
2194
![loading](https://timorpost.com/wp-content/plugins/ytuples/images/gallery-page-loader.gif)
![play](https://timorpost.com/wp-content/plugins/ytuples/images/playhover.png)
FAMILIA SIMU TIMOROAN DEPORTADU HO MATAN BEEN
![play](https://timorpost.com/wp-content/plugins/ytuples/images/playhover.png)
PREPARASAUN BA VIZITA SUA SANTIDADE ATINJE ONA 80%
![play](https://timorpost.com/wp-content/plugins/ytuples/images/playhover.png)
FRETILIN HUSU GOVERNU KONSIDERA VITIMA EVIKSAUN SIRA NIA HALERIK
1
/
2194
![loading](https://timorpost.com/wp-content/plugins/ytuples/images/gallery-page-loader.gif)