Díli (timorpost.com) – Prezidente Repúblika (PR), José Ramos Horta, Kuarta (08/02), hamutuk ho ekipa ida kompostu hosi sidadaun sira hosi nasaun oi-oin hala’o abertura ofisiál ba atividade Peace Run ba Estudante sira, iha Palásiu Prezidensiál, Bairru-Pité.
Tuir observasaun Timor Post, iha abertura ne’e, Xefe Estadu, hetan mós prezente medalla ida hosi ekipa Peace Run, ne’ebé konsidera hanesan aman ba dame iha Timor-Leste.
Hafoin Tara medalla, hala’o kedas atividade peace run hosi estudante sira haleur edifísiu Palásiu Prezidensiál.
Estudante sira ne’ebé partisipa iha eventu ne’e mai hosi eskola sira balun iha Munisípiu Dili.
Portantu iha diskursu Prezidente Repúblika, José Ramos Horta, hatete ko’alia kona-ba dame, Timor-Leste la’ós 100%, maibé besik.
Problema boot liu iha Timor-Leste la’ós joven sira tuda malu to’o rezulta Ida ka Rua lakon vida. Maibé problema boot liu iha Timor-Leste mak violénsia doméstika ka mane baku nia fen.
1,741 total views, 3 views today
Bele hare Video Seluk :