Dili (timorpost.com)–Klubu Relay Laleia FC ne’ebé idéntiku husi Munisípiu Manatutu sei realiza kompetisaun futeból Xanana Cup, hodi fó surpreza ba lideransa Nasionál Kay Rala Xanana Gusmão nia aniversáriu ba dala-77.
Prezidente Komisaun Organizadora Relay Laleia FC, Feliciano Perpétua Ximenes ba jornalista sira
liu husi konferénsia imprensa iha Xanana Sport Center, Dili, Tersa (06/06/2023).
Nia hatete, Komisaun Organizadora Tasa Rotativa Avó Nana 2023, ne’e atu motiva Laleia oan no juventude Laleia oan atu dignifika lideransa nasionál, hanesan Laleia oan.
“Ami planu hakarak realiza iha fulan oin atu fó prémiu ida ba iha Avó Nana nia aniversáriu ba dala-77, entaun ami atu fó prémiu ida ne’e ba iha ita nia lideransa Nasionál, no mós atu komemora loron konsulta popular,” dehan Feliciano
Alende eventu ida ne’e la naran simu klubu arbiru, maibé klubu ida ne’ebé durante sai kampeaun iha eventu 2021 no 2022 liu ba iha ida-idak nia munisípiu no nasionál inklui RAEOA, klubu ne’ebé kampionatu iha kada eventu, la’ós eventu ba taxa Xanana iha munisípiu, maibé eventu kualkér hanesan Liga Manufahi no kopa iha Ermera, ida nee foti primeiru lugar ho segundu lugar.
“Tanba nee, kada munisipiu ami foti klubu primeiru lugar no segundu lugar mak bele prienxe rekizitu ba taxa rotativa ida ne’e hodi kompete,” dehan nia.
Durasaun jogu nee durante fulan 2, tanba lideransa nia aniversáriu iha dia 20 Juñu, tanba ne’e sei hahú abertura kompetisaun ne’e iha dia 23 Juñu, abertura durasaun tempu másimu fulan 2, sei ensera iha dia 30 de Agostu loron konsulta popular.
834 total views, 3 views today
Bele hare Video Seluk :
Subscribe to Timorpost
