DILI (timorpost.com)—Prezidente Repúblika José Ramos Horta atribui medalla ba médiku Timoroan sira nu’udar rekoñesimentu estadu ba kontribuisaun durante ne’e ba nasaun no povu Timorense.
Tuir ajenda ne’ebé Timor Post asesu husi fonte iha Palásiu Prezidensiál haktuir, serimónia kondekorasaun sei hala’o iha loron 19 Maiu 2023 iha Palásiu Nobre, Lahane-Dili, oras, tuku 15:30 OTL.
Timor Post seidauk asesu Xefe Estadu atu atribui medalla ba médiku na’in hira.
Antes ne’e, iha loron Kinta (4/5/2023), PR Horta atribui medalla méritu ordem de Timor-Leste bá médiku Kubanu na’in-rua (2) no atribui mós Diploma Rekoñesimentu bá na’in-69.
Médiku Kubanu na’in-71 durante ne’e hala’o misaun umanidade iha Timor-Leste hodi tulun Timoroan sira iha área saúde.
Medalla Méritu Ordem Timor-Leste ne’e Xefe Estadu atribui bá Juan Calos Chavez ho Rosa Delia Duconger Castellanos. Sira-na’in-71 ne’e termina ona sira-nia misaun iha Timor-Leste. Nune’e, hanesan Xefe Estadu halo dezisaun para rekoñese sira-nia servisu no dedikasaun.
Xefe Estadu hatete, kuandu Governu Kuba haruka sira-nia Médiku mai, momentu ne’ebá Timor-Leste nia médiku uitoan loos. Total Médiku iha indenpensia 2002 hamtuk 20 de’it, atu fó resposta bá dezafiu iha setór saúde iha momentu ne’ebá, difisil tebe-tebes, setór saúde ne’e la’ós fasil, tanba ne’e maka Kuba oferese médiku sira mai hamutuk 100-resin.
“Hahú iha 2002, tinan lima liu tiha, Governu haruka joven 700 bá Kuba, joven sira ne’e 100% ho bolsa estudu Kuba nian, Timor la selu buat ida, buat hotu-hotu Kuba mak responsavel. Ohin, ita iha médiku rihun ida resin, maibé falta espesialista, dentista, ostamologu, Carbiologia no pediatrat, ne’e dunik presiza nafatin apoiu hosi Kuba nian,” Horta subliña.
2,752 total views, 3 views today
Bele hare Video Seluk :
Subscribe to Timorpost
