DILI (timorpost.com) — Forum Komunikasaun Feto Timor Lorosa’e (FOKUPERS), relata dadus tinan 2022 nian hatudu kazu violénsia doméstika mak as iha Timor-Leste.
Diretora Ezekutiva Forum Komunikasaun Feto Timor Lorosa’e (FOKUPERS), Maria Fatima Pereira Guterres, hatete hahú Janeiru-Novembru tinan 2022, sira rejistu kazu Violénsia hamutuk 138.
“Iha tinan 2022, ami rejistu kazu Violénsia hamutuk 138, husi kazu ne’e inklui labarik sira iha dalan ninin”, nia hateten ba Jornalista iha knaar fatin Faról, Kinta (5/01).
Nia dehan, tipu kazu iha oin-oin hanesan violénsia doméstiku ne’ebé boot liu hamutuk 52, violénsia ba labarik 2, abandona husi la’en 36, abandona husi namoradu 5, violénsia seksuál ba ema boot 7, violénsia seksuál hasoru labarik 6, abuzu seksuál ba labarik 1, insestu ba labarik 4, violénsia públiku la’ós agresivu hasoru labarik 2, violénsia públiku ba ema boot 7, ema soe Bebé 1, abortu aforsadu-infatisidu ba Bebé 1, tráfiku umanu 7, hadau malu oan iha 2, no Ameasa-Burla, la’o la fila ba uma 4.
Husi kazu hirak iha leten, kliente ne’ebé mai mesak hamutuk 27. Vítima sobrevivente iha haat (4), husi membru Fokupers ka staff iha lima (5), família kliente iha 30, Polisia Unidade Pesoál Vulneraveis (VPU), Komunidade eskuadra Polisia, Polisia Servisu Investigasaun Kriminál (PCIC) iha 18, pradet iha 11.
Nia hatutan, Ministériu Solidariedade Sosiál no Inkluzaun iha rua (2), Rede referral sira, Yayasan Hak, Organizasaun Internasionál Oxfam, Uma Paz Baukau, Forum Comunicação Juventude (FCJ), Fundasaun Ázia (TAF), Uniaun Ema ho Defisiénsia Matan (ETBU), Asosiasaun Chega ba Ita (ACbit), Komisaun Nasionál Direitu Labarik (KNDL) iha rua nulu (20).
Sekretaria Estadu Igualdade no Inkluzaun (SEII) no Programa Monitorizasaun Sistema Judisiál (JSMP) iha 2, Asisténsia Legal ba Feto no Labarik (ALFELA) iha 11, hosi Lier Communitarian ida (1), Madre, Profesora no estudante, ospitál, klínika Motaél, Lanut, Jus, DJ, CNR, KBRI kazu iha ualu (8) Mídia no funsionáriu públiku, LELY, kolega no taxi iha rua (2). Rede Feto, Caucus, A Lola, Yayasan Hak iha 18.
Entretantu kazu hirak ne’e balun rejistu ona iha polisia hamutuk 57, iha Ministériu Públiku hamutuk 11, iha Defensór públiku hamutuk 2, iha Tribunal ka final hamutuk 4, halo konsultasaun no trata dokumentu hamutuk 21, família rezolve hamutuk kazu 3, vítima lakohi prosesu kazu ka laiha informasaun hamutuk 15 no kazu husu prosesu ka kazu seidauk rejistu ba PNTL, MP no Defensór hamutuk 23.
6,307 total views, 3 views today
Bele hare Video Seluk :
Subscribe to Timorpost
