ADVERTISEMENT

UNDP ho Japaun Halo Reabilitasaun ba Edifísiu STAE

Mario da Costa - Jeral
Jornalista : Estaziada Ermelinda Caet
Editor : Mario da Costa
  • Share
Soru-mutu entre UNDP, Japaun ho STAE, iha salaun STAE Kaikoli, Imajen TP/Ermelinda Caet

Dili (timorpost.com) – Projetu Programa Nasoins Unidas ba Dezenvolvimentu (UNDP), Eleisaun Reziliente ba Covid iha Timor-Leste (CORE-TL) ho apoiu finanseiru husi Governu Japaun, halo reabilitasaun ba Edifísiu Sekretariadu Tékniku Administrasaun Eleitorál (STAE) Nasionál Dili nian no Munisípiu hamutuk hitu ona ba eleisaun Parlamentár sira tuir mai.

Embaixadór Japaun, Kazumi Yamada, hatete ho apoiu finanseiru husi Governu Japaun, projetu UNDP CORE-TL hala’o servisu renovadus ba eskritóriu STAE hitu ne’ebé lokaliza iha Munisípiu hitu (7), maka hanesan Dili, Baukau, Ainaru, Aileu, Bobonaru, Likisá, no Lautem. Edifísiu ida-idak dezeña atu asegura asenbilidade ba ema ho defisiénsia sira liuhusi ekipamentu ho rampas, sintina ne’ebé sensivel.

ADVERTISEMENT
SCROLL FILA BA NOTISIA


Alende ne’e, Edifísiu hotu-hotu “matak ka ambiente amigavel” iha dezeñu ho nia funsaun atu hamenus risku dezastre no kualkér impaktu negativu ba ambiente, ne’ebé inklui padraun tenke bee iha rai okos, no uma ne’ebé ho kakuluk kompativel ba halibur udan been, nune’e mós estasaun fase liman ba ijiene no prevensaun covid-19 nian.

Lee Mós :
Prezidente Horta Alerta ba Joven Sira Atu Soe Droga

“Ami orgullu atu Finansia projetu ne’e, ne’ebé implementa husi PNUD, hamutuk ho Governu Timor-Leste. Eleisaun ne’ebé livre no justu sai nu’udar fundamental ba demokrasia, finansiamentu ba projetu ne’e sai nu’udar símbolu amizade nian entre demokrasia rua ne’ebé forte no nasaun rua ne’ebé iha loro-matan sa’e, hanesan ita Komemora Aniversáriu ba dala-20 relasaun diplomátika entre Japaun no Timor-Leste”, nia hateten iha Salaun Enkontru STAE, Kaikoli, Kinta (01/12).

Iha sorin seluk Diretór Jerál STAE, Acilino Branco, hatete atividade ohin loron ne’e hanesan rezultadu ida ne’ebé apoiu husi parseiru sira UNDP Japaun hanesan hot-hotu hatene tanba durante ne’e sira-nia apoiu másimu tebes ba iha prosesu eleitorál STAE ho CNE, hahú iha restaurasaun independénsia mai to’o iha ultimo eleisaun, UNDP kontinua ho kometimentu fó apoiu ba iha prosesu eleitorál no iha tinan ikus mai Governu liuhusi embaixada Japaun hatudu nafatin sira-nia kometimentu ho fó apoiu ba iha prosesu eleitorál sira to’o iha eleisaun prezidensiál primeiru volta ho segundu volta iha tinan 2017, 2018, Governu Japaun liuhusi UNDP ba prosesu eleitorál sira.

Lee Mós :
Primeiru Ministru La Mosu Iha Palásiu Prezidente

“Ha’u agradese uain ba Governu Japaun laran luak no apoiu. Ha’u mós apresia tebes ba PNUD nia kolaborasaun atu promove eleisaun Inkluzivu no informativa iha nivel nasionál no Munisípiu iha Timor-Leste”, nia tenik.

Alende ne’e, reprezentante rezidente PNUD, Munkhtuya Altangerel, iha nia intervensaun haktuir tan “hadi’a infraestrutura ba STAE no CNE sei fasilita ema hotu inklui ema ho defisiénsia sira asesu ba polítiku. Ida ne’e sei hasa’e tasa partisipasaun no promove eleisaun Inkluziva hodi eleva kualidade demokrasia iha Timor-Leste”.

Projetu UNDP CORE-TL ho orsamentu millaun 4 husi Governu Japaun, suporta Governu Timor-Leste hodi realiza eleisaun ne’ebé reziliente ba COVID, informadu no Inkluzivu iha nivel nasionál no Munisípiu hodi asegura Infraestrutura ne’ebé iha ligasaun ho ambiente no Inkluzivu ba Edifísiu eleitorál sira, projetu CORE-TL renova edifísiu STAE hitu no sei harii Edifísiu foun neen ba konstrusaun foun ba STAE no CNE Munisípiu nian ho alokasaun osan 1.58 USD,(180.000 ba renovasaun, 1,4 USD ba konstrusaun foun) .

Lee Mós :
Garante ElPar La'o Kondusivu, CNE-IFES Konvoka Workshop Nasionál

Servisu renovasaun ba Edifísiu STAE nian remata ona iha Fulan-Dezembru tinan 2022, no konstrusaun foun ba eskritóriu neen (6) ba STAE no Komisaun Eleisaun Nasionál (CNE) sei hahú tuir mai.

Portantu Partisipasaun iha serimónia entrega Edifísiu STAE nian ne’ebé renovadu iha Edifísiu STAE Nasionál Dili husi Ministru Administrasaun Estatál (MAE), Miguel Pereira do Carvalho, Embaixada Japaun, Kazumi Yamada, Reprezentante Rezidente Munkhtuya Altangerel, Funsionáriu CNE nian no reprezentante Partidu polítiku sira.

 2,076 total views,  3 views today

Oinsa Ita nia Reaksaun iha Notisia Nee?
Like
Love
Haha
Wow
Sad
Angry
You have reacted on “UNDP ho Japaun Halo Reabilitasaun ba Edifísiu STAE” A few seconds ago

Bele hare Video Seluk :
  • Share
ADVERTISEMENT
SCROLL FILA BA NOTISIA

Notisia Timorpost Seluk


Komentariu :
Timorpost.com. Respeita tebes Ita Nia opiniaun. Laran luak no uza etika bainhira hatoo opiniaun. Opiniaun iha Ita Nia responsabilidsde, tuir lei ITE.

Varanda
Kategoria
Video
Buka
Watch
Facebook
error:
Simu Notifikasaun Hosi Timor Post Online! OK No