DILI (timorpost.com) – Nesesidade bázika folin sa’e iha merkadu, tanba ne’e Asosiasaun Tane Konsumidor (ATK) husu Konsumidór sira hato’o keixa karik distribuidor faan sasán ho folin la normal.
Prezidente Tane Konsumidór, António Ramos da Silva, hatete distribuidor sira adopta oinsá hasa’e reseita doméstika liuhosi impostu seletivu hasa’e taxa, importante porsentu 2,5 to’o 5%. Haree dokumentu ne’e husi Ministériu Finansas ho objetivu katak, tinan 2023 Governu tenke hatama tan reseita ba kofre estadu total orsamentu hamutuk milaun 174,9 USD. Objetivu hasa’e taxa konsumu foun hanesan masin-midar kada kilo ida dollar Amerikanu 1,00 USD, no bebebidas hanesan Coca-Cola, Fanta, Sungkist kada lata dollar Amerikanu 3,00 USD, hodi kontrola moras ne’ebe daet husi midar.
Nia afirma, durante Tane Konsumidór haree pontu importante rua hato’o ba Konsumidór hanesan; 1. Alterasaun ba Lei aduaneira hodi introdus impostu seletivu la sosializa ba stackholder sira, implementa provoka paniku no prejudika konsumidór sira. La sosializa Dekretu Lei ne’e uluk tan Dekretu Lei foun, atu troka Dekretu Lei tuan ne’ebe sei vigora, tuir loloos fó tempu atu sosializa ho tempu minimu 30 to’o 90 dias hodi informa ba públiku no stackholder sira hanesan operador ekonomika, konsumidór no agentes estadu rasik, nune’e implementasuan Lei labele soke hanesan akontese daudaun. Tanba impostu seletivu ne’ebé Autoridade aduaneira introdus mós kona-ba importasaun veíkulu inklui impostu foun ba konsumu.
2. Laiha komunikasaun di’ak entre Ministériu relevante sira, alterasaun Lei aduaneira ne’e na’in mak Ministériu Finansas, maibé laiha komunikasaun ho Ministériu Turizmu, Komérsiu no Indústria, hodi regula ba atividade komersial sira. Tanba tuir Dekretu Lei Nº 29 tinan 2011, kona-ba ” Preço justos” Distribuidor sira labele faan sasán liu porsentu 10-15% no Loja ka faan tutan sira labele ultra passa porsentu 20%.
Nia dehan, iha kinta-feira, 05/01/2023, iha distribuidor balun hasa’e folin produtu hanesan Masin midar no bebidas, sa’e liu 100%, ne’e kontra Lei presu justu no rejime embarkamentu tanba produtu nesesidade bázika labele hasa’e.
“Bainhira loja ka distribuidor sira kontinua fan ho folin la normal, por favor hato’o keixa mai TANE, AIFAESA ka Komérsiu”, dehan Prezidente Tane Konsumidor, Antonio Ramos dos Santos, ba Timor Post Online via-whatsapp, Segunda (09/01).
Nia afirma,Taxa Importasaun Timor-Leste kiik liu iha ASEAN, foin hasa’e de’it 2,5% ba 5% labele aproveita hodi hasa’e folin la normal, prejudika konsumidor sira.
“Se folin Coca-cola kaixa 1 folin antigu 6 USD sa’e ba 18 USD per caixa ne’e liu ona 100% ital. Hanesan mós masin midar, hasa’e husi folin ne’ebe atual la ho normal ka liu ona 100% ne’e kontra Lei no krime. Distribuidor sira labele aproveita hodi hasa’e folin nesesidade bázika, kontra Lei presu justu no dekretu lei embarkamentu ne’ebe limite labele hasa’e folin makaas ba nesesidade bázika”, katak nia.
Nia haktuir, kona-ba asuntu refere TANE Konsumidor mós hato’o ona ba Autoridade Aduaneira kona-ba partisipasaun TANE ba prosesu Elaborasaun Alterasaunba Dekretu Lei Nº 30 de 2011, 27 de Juñu kona-ba importasaun veíkulu.
2,956 total views, 3 views today
Bele hare Video Seluk :
Subscribe to Timorpost
