DILI (timorpost.com)— Primeiru-Ministru, Kay Rala Xanana Gusmão hala’o enkontru ho Prezidente Parlamentu Nasionál, Maria Fernanda Lay, Vice Prezidente Parlamentu Nasionál, Maria Terezinha Viegas no Sekretaria Meza Parlamentu Nasionál, Bendita Moniz Magno hodi atualiza programa governu deskute jornada Orsamentu Jerál Estadu (OJE) 2024.
Diskusaun Jornada Orsamentu OJE 2024 ho tema “Kontinua Konsolida no Transforma Prestasaun Servisu liu hosi Hadia Sistema Jestaun no Estratéjiku Investimentu” sei hala’o loron tersa-feira 12 Setembru 2023 lidera hosi Primeiru-Ministru Xanana no partisipa hosi membru governu no instituisaun estadu nian hotu.
“𝗛𝗮’𝘂 𝗺𝗮𝗶 𝗶𝗻𝗳𝗼𝗿𝗺𝗮 𝗯𝗮 𝘀𝗲𝗻𝗵𝗼𝗿𝗮 𝗽𝗿𝗲𝘇𝗶𝗱𝗲𝗻𝘁𝗲 𝗻𝗼 𝘃𝗶𝗰𝗲 𝗽𝗿𝗲𝘇𝗶𝗱𝗲𝗻𝘁𝗲 𝗸𝗼𝗻𝗮-𝗯𝗮 𝗽𝗿𝗲𝗽𝗮𝗿𝗮𝘀𝗮𝘂𝗻 𝗸𝗮𝗹𝗲𝗻𝗱𝗮́𝗿𝗶𝘂 𝗢𝗿𝘀𝗮𝗺𝗲𝗻𝘁𝘂 𝗝𝗲𝗿𝗮́𝗹 𝗘𝘀𝘁𝗮𝗱𝘂 𝟮𝟬𝟮𝟰, 𝗸𝗮𝘁𝗮𝗸, 𝗮𝗯𝗮𝗻 𝗶𝗵𝗮 𝘀𝗮𝗹𝗮𝘂𝗻 𝗠𝗶𝗻𝗶𝘀𝘁𝗲́𝗿𝗶𝘂 𝗙𝗶𝗻𝗮𝗻𝘀𝗮𝘀 𝘀𝗲𝗶 𝘀𝗶𝗺𝘂 𝗲𝗺𝗮 𝗵𝗼𝘁𝘂- 𝗵𝗼𝘁𝘂 𝗸𝗼𝗺𝗲𝘀𝗮 𝗱𝗲𝘀𝗸𝘂𝘁𝗲 𝗷𝗼𝗿𝗻𝗮𝗱𝗮 𝗼𝗿𝘀𝗮𝗺𝗲𝗻𝘁𝘂,” Timor Sita iha Pájina GPM, Segunda-Feira (11/09/2023).
Tuir agenda diskusaun sei hala’o hahú oras 08:00 too 17:00, no hahú Sesaun -I, sei halo abertura jornada orsamentu lidera hosi Primeiru-Ministru Xanana, Ministra Finansas, Santina José Rodrigues Ferreira Viegas Cardoso no Vice Ministru Finansas, Helder Lopes hodi introdús matéria diskusaun.
Hafoin halo diskusaun ba kalendáriu orsamentu ne’e, governu liu hosi Konsellu Ministru sei halo rezumu ba programa no orsamentu tomak molok aprezenta ba Parlamentu Nasionál.
Iha fatin hanesan, Prezidente Parlamentu Nasionál, Maria Fernanda Lay informa Parlamentu Nasionál kontinua hala’o nafatin ninia funsaun tuir lei, bainhira governu halo tiha diskusaun bele aprezenta ba Parlamentu Nasionál hodi tau iha agenda ba diskusaun iha plenária.
Agenda Diskusaun Preparasaun
Sesaun -II, Sesaun Makro Fiskál, Petrolíferu, Apoia Exeternu no Setór Finansas hodi halo diskusaun ba situasaun:
- Situasaun Makro Fiskál
- Dezempeñu Investimentu Fundu Petróleu
- Informasaun kona-ba Empréstimu, PPP no Apoiu Doadores
- Informasaun kona-ba Dezenvolvimentu Setór Finanseiru iha Konstrusaun Estadu
- Papél Banku BNCTL iha Dezenvolvimentu Ekonomia Timor-Leste
Seksaun III, Sesaun Prioridade, Alvu Atu Atinje no Senáriu Tetu Fiskál 2024.
- Prioridade IX Governu no Alvu sira atu atinje
- Prioridade Anuál 2024
- Senáriu Fiskál 2024
Seksaun IV, Diskusaun
1.Diskusaun kona-ba Prioridade Anuál no Senáriu Tetu Fiskál 2024.
1,086 total views, 3 views today
Bele hare Video Seluk :
Subscribe to Timorpost
